YOSUA 21:7 - Alkitab Singog In Mongondow Masa In Tanaa

⁷ Motoḷuadí mita nongkon inanakan i Merari nokouḻí kon mopuḷú bodoyowá in kotá nongkon butá in suku i Ruben, i Gad bo i Zebulon.

YOSUA 21:7 Iomraidhean Croise

TAWARIKH 1 6:62

Motoḷuadí mita kon inanakan i Gerson in nokouḻí kon 13 in ḻipú kon butá in suku i Isakhar, i Asyer, i Naptali, bo i Manasye inta kon Basan kon dotá in pomukaan kon Ongkag in Yordan.

TAWARIKH 1 6:63

Pinongin undian doman, motoḷuadí mita kon bonu in inanakan i Merari nokouḻí kon 12 in ḻipú kon butá in suku i Ruben, i Gad bo i Zebulon.

IḶUAIAN 6:19

Ki Amran in notonibuḷoi i Yokhebed, ki ai-ai bobay i amánea, bo ki adí monia in ki Harun bo ki Musa. Umur i Amran in 137 notaong.

YOSUA 21:6

Inanakan i Gerson nokouḻí kon kotá mopuḷú botoḷú nongkon butá in suku Isakhar, Asyer, Naptali bo suku Manasye inta kon dotá in pomukaan kon Ongkag in Yordan.

YOSUA 21:8

Natuata in pinososilai in intau in Israel kon kotá mita tatua takin butá popokaanan kon bobiagon monia pinongin undi kon intau in Lewi, ná inta ain pinarenta i Tuhan pinongin i Musa.