YOSUA 21:1 - Alkitab Singog In Mongondow Masa In Tanaa

^1-2 Kon singgaimai tobatú tongguḷu mita in motoḷuadí kon bonu in suku i Lewi minayá in Silo kon butá in Kanaan, bo minayá kon tayowon i Imang Eleazar, i Yosua adí i Nun, bo tongguḷu mita in motoḷuadí in bayongan suku bangusa in Israel. Mosia noguman, “Pinongin i Musa, ki Tuhan ain nomarenta sinbá kami, intau mita in Lewi, ogoian in kotá mita pogogutunan nami bo butá mita popokaanan in bobiagon kon diugmai in kotá mita sin popokaanan in bobiagon nami.”

YOSUA 21:1 Iomraidhean Croise

KINOBAḺIAN 49:7

Katuḷaandon in torú monia tatua, sin moiḻiudon totok natua. Katuḷaandon in rogi moḷoben monia tua, sin moraatdon totok. Poyayitonkudon in mosia kon sigad i adí mita i Yakub. Bo moponabud kon i monia kon sigad in adí mita i Israel.

IḶUAIAN 6:14

Ki Simeon bo ki buḷoinea inta bobay in Kanaan kogadí kon adí ḷoḷaki onom: Ki Yemuel, ki Yamin, ki Ohad, ki Yakhin, ki Zohar bo ki Saul. Mosia tua in mogoguyang in suku Simeon.

IḶUAIAN 6:25

Ki Harun bo ki Musa tuata inta pinarentaan i Tuhan modia kon intau mita Israel ḷumuai nongkon butá in Mesir.

PINOGIAPAN 35:1

Kon rata in Moab, kon bingkí in Ongkag in Yordan, kon diug in kotá in Yerikho, ki Tuhan noguman kon i Musa,

PINOGIAPAN 35:8

Kobayong in kotá mita in intau in Lewi kon bonu in wilayah in batúan suku in Israel musti tantúon podudui kon kobayong in kotá bo koḷoben in wilayah tatua.”

YOSUA 14:1

Noiduduimai naa in ouman kon naonda in butá in Kanaan kon dotá in toyopan kon Ongkag in Yordan sinilai-silai kon umat in Israel. Inta nosilai kon butá tatua kon umat in Israel in ki Imang Eleazar, ki Yosua adí i Nun, bo tongguḷu mita in motoḷuadí kon bonu in suku mita in bangusa Israel.

YOSUA 17:4

Mosia in minayá kon i Imang Elezar, kon i Yosua adí i Nun bo kon itoi mita, bo noguman, “Ki Tuhan ain noguman kon i Musa kon kami doman in musti tumpaḷa mokouḻí kon butá ná ki utat mita nami inta ḷoḷaki.” Tuamai in podudui in parenta i Tuhan, adí mita bobay i Zelapehad tatua inogoian in butá noyotakin in utat mita monia inta ḷoḷaki.

YOSUA 19:51

Natuata in ki Imang Eleazar, ki Yosua adí i Nun bo tongguḷu mita in motoḷuadí kon bonu in suku mita kon bangusa Israel nosilai kon butá tatua takin nomaké in undi sin mopoigum in topotundú nongkon i Tuhan. Inaidan monia intua kon Silo kon tayowon in ngara in Ḷoḷaigan i Tuhan. Nopaḷutdon in pinosilaian kon butá tatua.