YOSUA 20:3 - Alkitab Singog In Mongondow Masa In Tanaa

³ Intau inta diá sinumontuon noḻimod kon intau ibanea, motaaubí in mayá mogadop kon kotá tatua sinbá moiḷagui kon intau inta moibog monuḻí kon inia.

YOSUA 20:3 Iomraidhean Croise

SAMUEL 2 14:11

Guman in bobay tatua, “Poigumon mako ki Tuangku in mosambayang kon i Tuhan Allah i Tuangku, sinbá intau inta moibog motuḻí kon kinopatoian i adíku tatua in diá modapot in mogaid kon inta moraat moḷoben takin moḻimod kon i adíku inta dongkadon tobatú tatua.” Tubag i Daud, “Podoyon kon i Tuhan inta nobiag, ki adímu tatua in diábí onuon umpaka tongá topiḻikmai.”

IMAMAT 4:2

mopotaau kon bangusa Israel kon ki inekabí inta diá sinumuod nogaid kon dosa takin noiḷaut noiḻimpatdon kon tobatú nongkon parenta mita i Tuhan, yo musti dumudui kon atorang tanaa.

PINOGIAPAN 35:12

Kon kotá mita tatua intau tatua moaman nongkon ginaḷum in intau inta kinoḻimodan tua inta moibog motuḻí. Sin intau inta pinoponapudan noḻimod kon intau ibanea, diábí motaau in ḻimodon aka pelekaranea diápa muna sidangon kon pongadilan kon bayongan intau.

PINOGIAPAN 35:19

Ginaḷum inta modaginpa totok in intau inta iḻimod tua motaaubí in mopoaid in hukuman matoi tatua. Aka mouḻínea in intau inta noḻimod tatua, motaaubí ḻimodonnea.

PINOGIAPAN 35:22

Tongá oyúonbí doman in mobaḻí intau tobatú in diábí sinumontuon noḻimod kon intau inta diábí kinoyaatnea, pinomayá nopomobak kon intau tatua andeka nopogarab in barang kon intau tatua.

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.

YOSUA 20:2

moguman nanaa kon intau in Israel, “Akuoi ain nomarenta kon i Musa sinbá mopotaau in sia kon inimu in kotá mita pogogadopan, kotá inta motaau poḷoḷaguian in intau sinbá ḷukadan. Tanaa in piḻídon in kotá mita tatua.

YOSUA 20:4

Sia in motaaubí in moḷagui mayá in kotá tobatú kon sigad in kotá mita tatua, bo mayá in pongadilan kon ngara moḷoben in kotá tatua, bo moginsilang kon itoi mita kon tua onu inta ain nobaḻí. Itoi mita tatua in mobogoidon kon inia tumuot in kotá tatua, bo mobogoi in tampat pogutunannea.