YOSUA 2:4 - Alkitab Singog In Mongondow Masa In Tanaa

^4-6 “Totuubí kon oyúonbí in intau namangoi in baḷoiku,” tubag i Rahab, “tongá diábí kinotaauanku mongo nongkon onda in mosia. Mosia in minayádon kon tungkuḷ in noungkuḷomdon kon dodai in ḷoḻingkop in kotá diápa iḻingkopan. Bo diá doman iḻibóku mongo mayá in onda in mosia, táe aka ḷagi batukon in mosia, dá degá kobatukanpabí.” (Bokaka toimata doyowa tatua in binunidon i Rahab kon bontuyungan in wawa kon ḷuntung in baḷoinea.)

YOSUA 2:4 Iomraidhean Croise

DATU MITA 2 6:19

Ki Elisa in namangoi kon i monia bo noguman, “Moiko nion in noiḷangkam. Naa in deemanbí kotá inta sinayak monimu. Koḻigai dudui kon inakó bain atodonku kon intau inta sinayak monimu.” Bo inatod i Elisa in mosia kon Samaria.

IḶUAIAN 1:19

Tubag monia, “Bobay mita in Ibrani diábí ná bobay mita in Mesir. Mosia in morotonbí in mononggadí. Kon dodai in kami diápa moiangoi adí mita monia koyongandon noiḷotang.”

YAKOBUS 2:25

Natua doman in ki Rahab, bobay sundaḷ tua. Sia sinarima nopia i Allah popisíbí in oaidnea, wakutu in sinarimanea kon baḷoinea in totabá mita intau Israel bo sinuḷungannea pinoḷagui in mosia nongin daḷan ibanea.

YOSUA 2:3

Dá ki datu nopotabá in intau minayá kon i Rahab mopoyaput in parenta tanaa, “Poḷuai in intau mita inta kon bonu in baḷoimu tua. Mosia tua in toimatabí inta mamangoi monaridi kon bayongan butá in Yerikho!”

YOSUA 6:17

Bayongan in kotá takin tombonunea musti daiton monimu payongon mobaḻí sosumba kon i Tuhan. Tongá ki Rahab, bobay sundaḷ takin ginaḷumnea in pomayádon mako in mobiag, sin sia in notuḷungdon kon toimata mita naton.

YOSUA 6:25

Táe ki Rahab bobay sundaḷ tatua takin bayongan ginaḷumnea in pinomayádon mako i Yosua nobiag, sin sia in notuḷungdon kon toimatanea doyowa inta pinotabánea namangoi in Yerikho. (Dapot in singgai in naa buí i Rahab oyúonpabí in kon Israel.)