YOSUA 2:3 - Alkitab Singog In Mongondow Masa In Tanaa

³ Dá ki datu nopotabá in intau minayá kon i Rahab mopoyaput in parenta tanaa, “Poḷuai in intau mita inta kon bonu in baḷoimu tua. Mosia tua in toimatabí inta mamangoi monaridi kon bayongan butá in Yerikho!”

YOSUA 2:3 Iomraidhean Croise

KINOBAḺIAN 38:24

Degá toḷumai nobuḷan noiduduimai kon tua ki Yohuda nokouḻí kon habar kon ki Tamar mototakanea tatua sinumundaḷ bo sidiadon. Bo ki Yohuda nobogoi in parenta, “Gamádon in sia bo tubá dapot in matoi!”

KINOBAḺIAN 42:31

Táe kami in notubag, ‘Kami naa in intaubí mopia, deemanbí mata-mata, kami naa in intaubí motuḻid.

SAMUEL 2 10:3

Naonda in mosia nodapot kon Amon, itoi mita kon butá tatua in noguman kon i Datu Hanun, “Dikabí morai kon ki Daud tua in nopotabá mangoi in totabánea tatua sin moibog mohoromat kon i amá i Tuang! Sia tua in nopotabá mangoi in intaunea mita tatua sin mobaḻíbí toimata mita sin monaridi kon kotá tanaa, sinbá koagowandon.”

SAMUEL 2 17:20

Intau mita inta pinotabá i Absalom namangoi in baḷoi tatua bo noḻibó kon bobay tatua, “Kon onda in ki Ahimaas bo ki Yonatan?” “Bagupabí in mosia minayá iḷumoḷan kon ongkag,” tubagnea. Sinayakdon monia in tayowmobiag doyowa tatua, táe diábí nouḻí monia, bo nobuidon in mosia kon Yerusalem.

TAWARIKH 1 19:3

itoi mita in butá tatua noguman kon i datu Hanun, “Dikabí in ki Tuang Datu morai kon ki Daud tua in nopotabá mangoi in totabánea tatua sin moibog in sia mohoromat kon i amá i Tuang Datu! Sia in nopotabá kon intau mita tatua namangoi nobaḻí toḻindap sin monaridi kon butá naton, sinbá koagowannea!”

AYUB 21:30

Guman monia, “Kon singgai ki Allah nopoḷabú in hukuman, intau mita moraat in posaḷamatonbí.”

IMAMAT 24:14

“Diadon in intau tatua kon ḷuai in ḷoḷaigan. Bayongan intau inta nokodongog kon inia nogodi-godimai, musti mopoukat in ḻima monia kon uḷu in intau tatua sin mobogoi in katarangan kon sia in kotaḷá. Bo bayongan umat musti mogarab in batu kon inia dapot in matoi.

YOHANES 19:4

Nopaḷut mako ki Pilatus iḷumuai bui bo noguman kon intau moantó kon tua, “Indoiai! Diniakudon in Sia kon inimu, sinbá kotaauan monimu kon diábí in Sia kinouḻíanku kon tobatúmai in taḷá-Nea.”

OUMAN IN RASUL MITA 12:4

Kon bonu in ponjara tatua ki Petrus iḷukadan in tontara opat norogu. Kon torogu opat in tontara. Sin makusud monia aka mopaḷutdon kon singgai in Paska, yo adilondon i Herodes in sia kon tayowon intau moantó.

OUMAN IN RASUL MITA 12:6

Doḷom wakutu in diápa dinia i Herodes in sia kon tayowon intau moantó, ki Petrus in sinokig in rante bo pinoposiug kon sigad in tontara doyowa inta moḷukadmai kon inia. Bo ḷoḻingkop in ponjara tatua iḷukadan doman in tontara mita ibanea.

YOSUA 10:23

Dá binuká domandon in angob tatua, bo datu mita in Yerusalem, Hebron, Yarmut, Lakhis bo Eglon dinia pinoḷuai,

YOSUA 2:2

Kinodongogandon i datu in Yerikho kon doḷom tua oyúon intau in Israel inta namangoi monaridi kon butá in Yerikho.

YOSUA 2:4

“Totuubí kon oyúonbí in intau namangoi in baḷoiku,” tubag i Rahab, “tongá diábí kinotaauanku mongo nongkon onda in mosia. Mosia in minayádon kon tungkuḷ in noungkuḷomdon kon dodai in ḷoḻingkop in kotá diápa iḻingkopan. Bo diá doman iḻibóku mongo mayá in onda in mosia, táe aka ḷagi batukon in mosia, dá degá kobatukanpabí.” (Bokaka toimata doyowa tatua in binunidon i Rahab kon bontuyungan in wawa kon ḷuntung in baḷoinea.)

HAKIM MITA 4:20

Bo ki Sisera noguman kon i Yael, “Bayádon sindog kon tayowon ngara in ḷoḷaigan. Aka oyúon in intau mamangoi bo moḻibó kon inimu mongo oyúon in intau kon naa, yo diá in kamako.”