YOSUA 2:12 - Alkitab Singog In Mongondow Masa In Tanaa

^12-13 Igumonku mako moibogpa in moiko mongibot podoyon kon tangoi-Nea kon tompiaanbí monimu in pogogaid kon bayongan in ginaḷumku ná doman pinogogaidku kon i monimu. Podandidon kaasí kon ki amá bo ki ináku, ginaḷumku mita, bo bayongan in tombonu in baḷoi monia diábí ḻimodon monimu táe ḷukadanbí. Bo akuoi in moigumdon kon tomponuot mobaḻí jaminan kon moiko nion in motaaubí pirisayaanku!”

YOSUA 2:12 Iomraidhean Croise

KINOBAḺIAN 21:23

Tuamai, pongibotdon kon naa kon tayowon i Allah, kon iko in diábí monombogá kon inakó, ande kon i adíku mita, ande kon buíku. Ná doman akuoi aindon nomia kon inta mopia kon inimu, dá aidai domandon in natua kon inakó bo kon butá inta pinogutunanku tanaa.”

KINOBAḺIAN 24:3

Pongibotdon podoyon kon i Tuhan, Allah inta nongawasa kon ḷangit bo butá, kon iko in diábí motayak kon bobay inta pobuḷoion i Ishak ki adíku nongkon sigad in intau mita in Kanaan tanaa.

KINOBAḺIAN 24:9

Onda intua bobantung tatua nopoukat in ḻimanea kon sigad in paa i Abraham ki Tuangnea tua, bo nongibot kon sia in mogaidbí kon onu inta pinoigum i Abraham tatua.

KINOBAḺIAN 40:14

Táe kotoropaipa in akuoi aka iko motompiadon in kobobiagmu. Tuḷungai bo pogumandon kon i datu onu inta nobaḻí tanaa, sinbá akuoi poḷuaiondon kon ponjara tanaa.

TAWARIKH 2 36:13

Ki Datu Nebukadnezar in nomakisadon kon i Zedekia mongibot pinodoyon kon i Allah kon sia in mosatiabí kon i Nebukadnezar. Táe kon singgai noiduduimai ki Zedekia nomarontak kon i Nebukadnezar. Ki Zedekia in nopotontogat in gina kon i Tuhan, Allah in Israel. Doí in sia monaḷámai kon dosanea mita bo doídon mobui mangoi kon i Tuhan.

ESTER 8:6

Diábí mopia in ginaku in mokoontong kon bangusa bo ginaḷum motoḷuadíku in modait ḻimodon!”

IḶUAIAN 12:13

Dugú inta kon ḷoḻingkop in baḷoimu, tua in mobaḻí tomponuot kon baḷoi mita inta pinogutunanmu. Aka Akuoi mokoontong kon dugú tatua, moiko in taḻiban-Ku bo diábí yopúon-Ku kon dodai in Akuoi mohukum kon Mesir.

YEREMIA 12:16

Aka mosia takin ḻimbatú in gina moibog motarima kon agama in umat-Ku bo moibog mongibot takin moguman, ‘Podoyon kon i Tuhan inta nobiag,’ – ná koḻipod in mosia notundú kon umat-Ku nongibot pinodoyon kon Baal – dá mosia in moidugangdon kon umat-Ku bo mobaḻí mooyúon.

MARKUS 14:44

Intau inta moposarakan kon i Yesus nobogoidon in tomponuot kon i monia, nanaa, “Intau inta ayokanku, Sia tua intaunea.” “Domok in Sia bo ḷukadai kopia.”

SURAT I PAULUS KON JAMAAT RUM 1:31

mosia in doíbí mosimangartian; diá doman mosatia bo diá doman in totabian kon tumpaḷa intau.

TIMOTIUS 1 5:8

Táe aka oyúon in intau inta doí monarukiramai kon i utatnea, ginaḷumnea, apadoman intau inta kon bonu in baḷoinea, yo intau tatua in doí mogaid kon onu inta sinuntut in pinirisayanea tatua, dá intau tatua in moraa-raatdon nongkon intau inta diá mopirisaya kon i Kristus.

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

YOSUA 2:18

Tongá naa in musti aidanmu. Aka kami bo monubudon kon butámu tanaa, yo popotogotdon in tontogot nopura tanaa kon jandela inta pinonuntunanmu kon inami tanaa. Ki amá bo ki inámu, ki utatmu mita bo bayongan in ginaḷum i amámu sipunmudon kon baḷoimu tanaa.

YOSUA 2:19

Aka tobatúmai in kon sigad monia tua bo ḷumuai kon baḷoi tanaa bo matoi koḻimodan, yo tua in taḷáneabí tontaní; deeman bidon kami in kitogi totaau kon tua. Táe aka oyúon in mobodito kon bonu in baḷoi tanaa, yo totaaudon nami intua.

YOSUA 6:22

Bo kon intau doyowa inta ain nobaḻí toimata, ki Yosua noguman, “Bayádon kon baḷoi in bobay inta sundaḷ tatua, bo diádon in sia ḷumuai moyotakin in ginaḷumnea ná inta ain pinodandi monimu kon inia.”

YOSUA 9:15

Ki Yosua nomia kon dodandian yoyobayatan takin intau mita in Gibeon tatua, bo nodandidon kon i monia kon diábí moḻimod kon i monia. Itoi mita in umat Israel nongibot doman kon mogintompodbí kon dodandian tatua.

HAKIM MITA 1:24

mosia noyodungkuḷ in ḷoḷaki tobatú inta namangoi nongkon kotá. Guman monia kon inia, “Aka iko motuḷung kon inami sinbá kami moituot in kotá tanaa, yo mopiabí in pogogaid nami kon inimu.”

SAMUEL 1 30:15

Bo ki Daud in noḻibó kon inia, “Moibog degá in iko mogatod kon inakó mayá in tampat in banselang tatua?” Tubagnea, “Moibog in akuoi, asaḷ bo ki Tuang in modandi kon inakó podoyon kon tangoi i Allah, kon akuoi in diábí ḻimodon i Tuang andeka ogoi i Tuang kon i tuangku.”