YOSUA 2:1 - Alkitab Singog In Mongondow Masa In Tanaa

¹ Onda intua nongkon pinononḷoḷaigan kon Sitim, ki Yosua nopotabá in toimata doyowa minayá in Kanaan. Toimata doyowa tatua pinotabá monaridi kon butá in Kanaan takin umado-adop, totok moponting kon tua in kotá in Yerikho. Dá minayá in mosia kon kotá tatua, bo nongandupdon in mosia kon baḷoi in bobay inta sundaḷ tobatú, ki Rahab in tangoinea.

YOSUA 2:1 Iomraidhean Croise

KINOBAḺIAN 42:16

Tobatú kon sigad monimu musti mobui mogamá kon inia. Ibanea in tahangonkupa modapot in tosingogon monimu tua moniata. Aka diá, yo podoyon kon tangoi i datu, moiko nion in mata-mata in musung!”

KINOBAḺIAN 42:9

Bo kinotoropanneadon in togoindopnea inta soaḷ mosia. Bo sia in noguman bui, “Moiko nion in mata-matabí; moiko mamangoi sin moindoi bo motayak mongo kon onda in kalemahan nami.”

MIKHA 6:5

Umat-Ku, toropdon onu in sinomayá i Balak datu in Moab kon inimu, bo onu in sinubagan i Bileam ki adí i Beor kon inia. Toropdon onu in nobaḻí kon binayáan kon sigad in ḷoḷaigan kon Sitim bo kon Gilgal. Aka kotoropan monimu komintan intua, yo kotaauandon monimu onu inta ain inaidan-Ku sin moposaḷamat kon i monimu.”

PINOGIAPAN 13:1

Ki Tuhan noguman kon i Musa,

PINOGIAPAN 13:2

“Nongkon batúan in suku kon Israel potabádon tumongobatú nongkon sigad in itoi mita monia sin mayá monaridi kon butá in Kanaan inta ogoi-Ku kon intau in Israel.”

PINOGIAPAN 25:1

Kon dodai intua bangusa Israel nogutun kon Ḷopá in Sitim, Intau mita ḷoḷaki monia nomangkoidon nonuaḻing takin bobay mita in Moab inta nogutun kon tua.

MATIUS 10:16

“Tagú totok kon gina in singog-Ku: Akuoi in mopotabá kon i monimu, naonda bo domba dinia kon yua-yuak in serigala. Manangka intua mokopoingat totok naonda bo uḷag bo mokopotuḻid kon gina naonda bo ḷagapan paḷoma.

EPESUS 5:5

Torop in singogku tanaa: intau inta mokotor in oaidnea, andeka inta mogaid kon inta diá patus aidan, andeka ibog inta moiḻiu (aid natua notongkaibí in aid mosumba kon berhala ibanea), dá intau mita natua in diábí baḻíon umat inta pinarentaan i Kristus bo i Allah.

IBRANI 11:31

Popisí in oyúon in pirisaya, dá ki Rahab, bobay sundaḷ tua in diábí kinoḻimodan noyotakin in intau mita inta noḷawang kon i Allah; popisí in nopia totok in pinototomunea kon totabá mita in intau Israel.

YAKOBUS 2:25

Natua doman in ki Rahab, bobay sundaḷ tua. Sia sinarima nopia i Allah popisíbí in oaidnea, wakutu in sinarimanea kon baḷoinea in totabá mita intau Israel bo sinuḷungannea pinoḷagui in mosia nongin daḷan ibanea.

YOSUA 1:18

Bayongan in intau inta doí dumudui kon parentamu bo doí mokidongog kon tosingogonmu, in hukumon matoi. Pokoyakin bo pokobarani in iko!”

YOSUA 2:2

Kinodongogandon i datu in Yerikho kon doḷom tua oyúon intau in Israel inta namangoi monaridi kon butá in Yerikho.

YOSUA 3:1

Nopoikoḷomai kon singgai, ki Yosua bo bayongan umat in Israel nobangon subupa totok, bo nonaḷámai kon pinononḷoḷaigan monia kon Sitim, bo minayá in Ongkag in Yordan. Kon tua in mosia nononḷoḷaigan sin mogoḷat kon wakutu monia ḷumoḷan.

YOSUA 5:10

Koyogot nononḷoḷaigan kon Gilgal kon rata kon diug in Yerikho, umat Israel noraya kon Paska kon ḷoḷabungnea singgai impuḷú boopat kon buḷan tatua.

HAKIM MITA 18:14

Intau toimata taya ḻima inta muna pinotabá tatua noguman kon yobayatnea mita, “Bá kotaauandon monimu kon baḷoi tobatú kon naa oyúon in patong inta inaipan in saḷaka! Oyúon doman in patong mita ibanea bo epod. Raika mongo onu in musti pomiaan naton.”

HAKIM MITA 18:17

Toimata taya ḻima tatua bayá-bayádon sinumuot kon baḷoi, bo nogamá kon patong kayu inta inaipan in saḷaka tatua takin patong mita ibanea, bo epod. Tayowmobiag in Lewi tatua in sinimindogdon mako takin tontara mita onom nogatut inta kon ngara moḷoben.

HAKIM MITA 18:2

Tuamai in mosia nomiḻí kon intau ḻima inta mongotorindog nongkon sigad in bayongan inanakan kon bonu in suku monia inta nogutun kon Zora bo Eshtaol, bodongka nobogoi in oaidan kon i monia ḻima tatua sin monaridi kon butá tatua. Dá nobuatdon in intau mita tatua, bo nodapotdon in mosia kon buḷud inta kon butá in Epraim. Kon tua in mosia nongandupa kon baḷoi i Mikha.