YOSUA 19:9 - Alkitab Singog In Mongondow Masa In Tanaa

⁹ Popisí in butá inta inogoi kon suku Yohuda noiḻiudon in oḷad, dá tongosilai nongkon butá tatua inogoi kon suku i Simeon.

YOSUA 19:9 Iomraidhean Croise

KINOBAḺIAN 49:7

Katuḷaandon in torú monia tatua, sin moiḻiudon totok natua. Katuḷaandon in rogi moḷoben monia tua, sin moraatdon totok. Poyayitonkudon in mosia kon sigad i adí mita i Yakub. Bo moponabud kon i monia kon sigad in adí mita i Israel.

IḶUAIAN 16:18

Naonda in inukur monia, noniatamai intau inta nosipun kon nobayong, diábí doman noiḻiu, bo intau inta nosipun kon noyakag, diábí doman inta kinodaitan. Komintan intau nosipunbí kon kobayong inta paraḷuon monia pakéon.

PINOGIAPAN 26:54

Aidai intua takin momaké in undi, Tongguḷu in suku moḷoben musti ogoianmu in tonsilai inta moḷoben, bo suku inta mointok ogoiai doman in tonsilai mointok.”

YOSUA 19:10

Pinosilaian nogintoḷu tuata in butá inta kon motoḷuadí mita inta kon bonu in suku i Zebulon. Sigad in butá inta inogoi kon i monia in nodapot kon Sarid.

YOSUA 19:8

Noituot doman in bayongan ḻipú kon ḻibumai in kotá mita tatua nodapot kon Baalat-Beer (tuata in Rama) kon butá kon dotá in toḷatan. Tuata in butá inta inogoi kon motoḷuadí mita nongkon suku i Simeon sin mobaḻí kapunyaan monia.