YOSUA 16:9 - Alkitab Singog In Mongondow Masa In Tanaa

⁹ noituot doman in tongonumai in kotá mointok bo ḻipú inta noiukat kon bonu in butá i Manasye.

YOSUA 16:9 Iomraidhean Croise

SAMUEL 2 2:9

Kon tua binaḻí i Abner in ki Isyboset nobaḻí datu kon butá mita in Gilead, Asyuri, Yizreel, Epraim bo Benyamin, nodapotbí in kon bayongan in Israel.

TAWARIKH 1 7:28

Butá inta inogoi kon i monia nobaḻí pogogutunan monia in nongkon Betel nodapot kon kino ouput in Naaran kon dotá in pomukaan, bo Gezer kon dotá in toyopan takin ḻipú mita kon diug in kotá mita tatua. Kon butá tatua in noituot doman in kotá in Sikhem bo Aya, bo ḻipú mita inta kon ḻibuneamai.

YOSUA 16:10

Táe suku Epraim diábí noguntun kon intau in Kanaan nongkon butá in Gezer. Tuamai nodapot kon tanaa mako intau in Kanaan nogutunpabí doman kon Gezer noyotakin in intau in Epraim, táe mosia pinakisa nogaid nobaḻí ata kon intau in Epraim.

YOSUA 16:8

Kon dotá in toyopan, botok sigad in Epraim tatua pinangkoi kon Tapuah nodapot kon tapá in Ongkag in Kana, bo sinimpod kon Dagat Toyuak. Tuata in butá inta inogoi kon motoḷuadí mita nongkon suku Epraim, sin mobaḻí kapunyaan monia,

YOSUA 17:9

Noiduduimai botok in sigad in butá in Manasye tatua nosiḻig nodapot in tapá in Ongkag in Kana. Kotá mita kon dotá in toḷatan kon tapá tatua in kapunyaan i Epraim, umpaka kon yua-yuak in kotá mita in suku Manasye. Botok in sigad in butá in Manasye tatua noiduduimai kon tua in dinumudui kon daḷan kon dotá in utuan kon tapá tatua, bo nopaḷuput kon Dagat Toyuak.