YOSUA 16:7 - Alkitab Singog In Mongondow Masa In Tanaa

⁷ Nongkon tua botok tatua nosiḻig kon Atarot bo Naharat, bo nongin Yerikho sinimpodan kon Ongkag in Yordan.

YOSUA 16:7 Iomraidhean Croise

TAWARIKH 1 7:28

Butá inta inogoi kon i monia nobaḻí pogogutunan monia in nongkon Betel nodapot kon kino ouput in Naaran kon dotá in pomukaan, bo Gezer kon dotá in toyopan takin ḻipú mita kon diug in kotá mita tatua. Kon butá tatua in noituot doman in kotá in Sikhem bo Aya, bo ḻipú mita inta kon ḻibuneamai.

YOSUA 16:6

bo minayá ná Dagat Toyuak. Mikhmetat in noiukat kon dotá in utuan. Kon dotá in pomukaannea, botok in sigad tatua nomurow pinobayá ná Taanat-Silo, bo sinumaḻib kon tua nongkon dotá in pomukaan nopobayá ná Yanoah.

YOSUA 3:16

dá kon dodaipa doman tuata torú in tubig tatua nobontow. Nongkon uḷuan in tubig noyayú in kinosipunan tubig, tubig nosipun kon Adam, kon kotá tobatú inta kon ḻimako in kotá in Sartan. Tubig inta kon sioḷan inta noiḻig ná Laut Mati nobontowdon, dá umat in Israel iḷumoḷandon kon butá noingkag noyogintayowan in kotá in Yerikho. Imang mita inta nomotaan kon Poti Dodandian tatua umuranpabí sinimindog mako kon yua-yuak in ongkag tatua nodapot in bayongan umat in Israel noiḷoḷandon komintan.

YOSUA 6:1

Ḷoḻingkop in kotá mita in Yerikho totokdon in iḷukadan komintan bo iḻingkopan kinopira sinbá intau in Israel diá mokotuot. Diá tobatúmai intau in ogoi tumuot ande ḷumuai kon kotá tatua.

YOSUA 6:26

Kon dodai intua ki Yosua nopoḷuai in parenta nanaa, “Ki inekabí in moḷongasi moposindog bui in kotá in Yerikho tanaa, yo kotugatan in kutuk i Tuhan. Ki ine in momia kon datoḷannea yo kopatoianbí in adínea guya-guyang; bo ki ine in mopoguḻit in ḷoḻingkopnea mita yo kopatoianbí in adínea muit.”