YOSUA 16:10 - Alkitab Singog In Mongondow Masa In Tanaa

¹⁰ Táe suku Epraim diábí noguntun kon intau in Kanaan nongkon butá in Gezer. Tuamai nodapot kon tanaa mako intau in Kanaan nogutunpabí doman kon Gezer noyotakin in intau in Epraim, táe mosia pinakisa nogaid nobaḻí ata kon intau in Epraim.

YOSUA 16:10 Iomraidhean Croise

DATU MITA IMITÁNEA 9:15

Ki Datu Salomo in nomakisa nokiaid in Baḷoi Tuhan, takin komaḻig in datu, dinding in Yerusalem bo nopomumbun in butá kon dotá in toḷatan in Baḷoi Tuhan. Sia in nomakisa doman nokiaid bui in kotá in Hazor, Megido bo Gezer. (

DATU MITA IMITÁNEA 9:16

Kotá in Gezer naa in kotá inta koḻipod sinubu bo sinaḷow i datu in Mesir, bo intau mita inta nogutun kon tua in sinokoḻimod bo kotánea in sinurub. Kon singgai noiduduimai kotá tatua inogoi i datu in Mesir kon i adínea bobay nobaḻí tombuinag kon singgai pinonikaannea takin i Salomo.

YOSUA 10:33

Ki Horam, datu in Gezer namangoi notuḷung kon i Lakhis, táe sinaḷow doman i Yosua in sia bo tontaranea mita; diá tobatúmai in kinotaḷáan, nodait minatoi.

YOSUA 15:63

Kotá in Yerusalem noitakin doman kon kapunyaan i Yohuda, táe intau in Yohuda in diábí mokountun kon intau mita in Yebus inta nogutun kon tua. Dapot in tanaa intau mita in Yebus nogutunpabí noyotakin in intau in Yohuda kon kotá tatua.

YOSUA 16:9

noituot doman in tongonumai in kotá mointok bo ḻipú inta noiukat kon bonu in butá i Manasye.

YOSUA 17:12

Táe suku in Manasye in diá mokopoguntun kon intau mita inta nogutun kon kotá tatua; tuamai intau in Kanaan umuranpa doman nogutun kon tua.

YOSUA 17:13

Nodapot in kon singgai noiduduimai naonda in intau Israel nobaḻídon noropot totok, diábí in mosia nopoguntun kon bayongan intau in Kanaan; mosia in tongábí nomakisa kon i monia mogaid kon oaidan monia.

HAKIM MITA 1:29

Kon kotá in Gezer, suku in Epraim in diábí nopoguntun kon intau in Kanaan, inta nogutun kon kotá tatua. Dá intau in Kanaan umuranpabí nogutun kon tua noyotakin monia.