YOSUA 15:9 - Alkitab Singog In Mongondow Masa In Tanaa

⁹ onda intua minayá ná bokaká in tubig Me-Neptoah, nodapot kon kotá mita inta kon diug in Buḷud Epron. Nongkon tua in sigad in butá tatua nomurow ná Baala (inta Kiryat-Yearim),

YOSUA 15:9 Iomraidhean Croise

SAMUEL 2 6:2

Mosia in dinianea nopobayá ná Baale-Yohuda, sin mayá intua mogamá kon Poti Dodandian inta dinonoi takin tangoi i Tuhan Inta Totok in Mokawasa inta nongawasa kon ḻimonik in kerub mita.

TAWARIKH 1 13:6

Bo ki Daud in minayá noyotakin monia kon kotá in Baala, inta kon Kiryat-Yearim, kon butá in suku Yohuda sin mogamá kon Poti Dodandian i Allah. Poti tatua sinangoian “Tuhan Inta iḻimitú kon tudu in kerub”.

YOSUA 15:60

Bo kotá doman doyowa noiduduimai naa takin ḻipú mita inta kon diugneamai: Kotá in Kiryat-Baal, (tuata in Kiryat-Yearim) bo Kotá in Raba.

YOSUA 18:15

Sigad mita kon dotá in toḷatan pinangkoi nongkon bingkí in Kiryat-Yearim bo minayá kon bokaká mita in tubig in Me-Neptoah,

HAKIM MITA 18:12

mosia in minayá kon dotá in toyopan kon Kiryat-Yearim kon butá in Yohuda bo nononḷoḷaigan kon tua. Tuamai in tampat tatua tantúpa sinangoian Pinononḷoḷaigan i Dan.

SAMUEL 1 6:21

Bo nopotabá in mosia in intau minayá kon intau mita in Kiryat-Yearim takin koyow nanaa, “Intau mita in Pilistin nopobuidon in Poti Dodandian i Tuhan. Angoi bo diádon in poti tatua kon ḻipúmu.”