YOSUA 15:3 - Alkitab Singog In Mongondow Masa In Tanaa

³ bo minayá ná toḷatan nongin oyuk mita in buḷud kon Akrabim nodapot kon Zin. Noiduduimai kon tua nongin toḷatan Kades-Barnea, minayá nongin Hezron, notakod kon Adar, onda intua nomurow nopobayá ná Karka.

YOSUA 15:3 Iomraidhean Croise

KINOBAḺIAN 14:7

Nopaḷut mako kon tua intau mita inta nogaḷow tua nobuidon bui kon En-Mispat inta masai naa sinangoiandon Kades. Mosia in nopotungkud kon bayongan intau kon butá in Amalek poḷat nonaḷow kon intau in Amori inta nogutun kon Hazezon-Tamar.

PINOGIAPAN 20:1

Kon buḷan imitánea bayongan umat Israel nodapot kon padang gurun Zin bo nogutun notantú kon Kades. Ki Miryam minatoi bo iḷobong kon tua.

PINOGIAPAN 32:8

Ki amá mita monimu nomia doman naníon, kon tungkuḷ in mosia pinotabáku nongkon Kades-Barnea sin mayá moḻibu kon butá tatua.

PINOGIAPAN 34:4

momurow ná toḷatan mopobayá in Daḷan Akrabim bo turus kon Zin nodapot kon Kades-barnea kon toḷatan. Nongkon tua momurow mopobayá in barat laut modapot kon Hazar-Adar, bo turus kon Azmon.

YOSUA 15:2

pinangkoi kon popod in toḷatan kon Laut Mati,

YOSUA 15:4

Nongkon tua minayá doman ná Azmon, bo notaḷug kon tapá kon pinosigadan in Mesir, onda intua nodapot kon Dagat Toyuak. Tuata in sigad kon dotá in toḷatan butá inta inogoi kon suku in Yohuda. Bo sigad doman tatua inta nobaḻí sigad kon dotá in toḷatan in bayongan butá in Israel.

HAKIM MITA 1:36

Kon dotá in utuan kon Sela, sigad in butá in intau mita in Amori noitaḻib kon Pononakodan Akrabim.