YOSUA 13:9 - Alkitab Singog In Mongondow Masa In Tanaa

⁹ Butá monia tua in nongkon Aroër (kon bingkí in Ḷopá in Ongkag in Arnon), bo kotá inta kon yua-yuak in ḷopá tatua. Bo bayongan in butá rata moḷantud nongkon Medeba nodapot kon Dibon

YOSUA 13:9 Iomraidhean Croise

SAMUEL 2 24:5

Naonda in iḷumoḷan kon Ongkag in Yordan, ki Yoab bo intaunea nononḷoḷaigan kon dotá in toḷatan kon Aroër, kotá tobatú kon yua-yuak in ḷopá kon butá in Gad. Nongkon tua in mosia minayá in utuan, ná Yaezer,

NEHEMIA 11:25

Nobayong in kon sigad in rayat in nogutun kon kotá mita inta noyodiug in gobá mita monia. Tongonumai in intau nongkon suku in Yohuda in nogutun kon butá inta kon sigad in Bersyeba kon dotá in toḷatan bo Ḷopá in Hinom kon dotá in utuan. Mosia in nogutun kon kotá mita inta noiduduimai naa bo kon ḻipú mita inta kon diugneamai: Kiryat-Arba, kon Dibon, Yekabzeel Yesua, Molada, Bet-Pelet Hazar-Sual, Bersyeba Ziklag, Mekhona En-Rimon, Zora, Yarmut, Zanoah, Adulam, Azeka, Lakhis.

YESAYA 15:2

Intau inta nogutun kon Dibon motakod kon buḷud sin mongombaḷ kon tampat pososumbaan kon dewa mita. Intau in Moab takin morobonoḷ in dodob mogamui kon kotá in Nebo bo Medeba. Mosia in nongarug kon uḷu bo kumi nobaḻí tomponuot kon norobonoḷ in dodob.

YEREMIA 48:18

Ei intau in Dibon, poponagdon nongkon tampatmu inta ihoromat; ḻitúdon kon butá bo kon tudu in ḷobud. Sin ki inta momoguyaat kon butámu in noiyaputdon, bo morimumud kon bayongan in dindingmu.

YEREMIA 48:22

kon Dibon, kon Nebo, kon Bet-Diblataim,

YEREMIA 48:8

Bayongan in kotá in morimumudbí, diábí tobatúmai in kotaḻiban. Ḷopá bo oyuknea komintanbí yompaton. Akuoi, ki Tuhan, ain nosingog.

PINOGIAPAN 21:30

Táe naa in noyopúdon in buí monia, kon kinoouput in daḷan nongkon Hesybon nopobayá ná Dibon, nongkon Nasyim nopobayá in Nopah kon diug in Medeba.”

ULANGAN 2:36

Takin totuḷung i Tuhan Allah naton, kita nokoagow kon bayongan kotá tatua, pinangkoi kon Aroër, kon popod in Ḷopá in Arnon, bo kotá kon yuak in ḷopá tatua, nodapot kon butá in Gilead. Diábí in dinding kotá inta motogat naton umpagon.

ULANGAN 3:12

“Naonda in butá tatua nobaḻí kapunyaan naton, inogoiku intua kon suku Ruben bo Gad in butá kon dotá in utuan kotá in Aroër kon diug in Ongkag in Arnon, bo tongosilai nongkon butá in buḷud Gilead, noitakin doman in kotánea mita.

ULANGAN 3:16

Bo suku mita in Ruben bo Gad inogoianku in butá inta kon sigad in Gilead bo Ongkag in Arnon. Yuak in ongkag tatua nobaḻí sigad monia kon dotá in toḷatan, aka kon dotá in utuan mosia noyosigad in Ongkag in Yabok, inta tongosilainea nobaḻí sigad in butá intau in Amon.

YOSUA 12:2

Tobatú in tangoinea in ki Sihon, datu in Amori inta noiḻitú kon Hesybon. Butá inta kon bonu in kawasanea in tongobotak in butá in Gilead; inta nongkon Aroër (kon bingkí in Ḷopá in Arnon) bo kotá inta kon yua-yuak in ḷopá tatua nodapot in kinoouput in Ongkag in Yabok inta kon pinosigadan in butá in bangusa Amon;

YOSUA 13:10

bo nodapot kon pinosigadan in butá in Amon, noituot doman in bayongan in kotá inta nokoimontandon kinawasa i Sihon, datu in Amori, inta noiḻitú kon Hesybon.

YOSUA 13:16

Butá monia tua in nongkon Aroër (kon bingkí in Ḷopá in Ongkag in Arnon) bo kotá inta kon yua-yuak in ḷopá tatua nodapot kon bayongan in rata inta moḷantud kon diugmai in Medeba;

YOSUA 13:8

Suku in Ruben, i Gad bo tongobotak in suku Manasye ain notarima kon butá tonsilai monia nongkon i Musa, mogogundoi i Tuhan tua; tuata in butá inta kon dotá in pomukaan kon Ongkag in Yordan.