YOSUA 13:5 - Alkitab Singog In Mongondow Masa In Tanaa

⁵ noiduduimai kon tua butá in bangusa in Gebal, bo bayongan in butá in Libanon nopobayá ná pomukaan, nongkon Baal-Gad kon dotá in toḷatan Buḷud in Hermon, bo minayá nodapot kon daḷan inta nopobayá ná Hamat.

YOSUA 13:5 Iomraidhean Croise

DATU MITA IMITÁNEA 5:18

Natuata in mogogaid mita i Salomo bo mogogaid mita i Hiram takin intau mita nongkon kotá in Gebal noposadia in batu bo kayu sin pakéon pogaid kon Baḷoi i Tuhan tatua.

DATU MITA IMITÁNEA 8:65

Kon Baḷoi Tuhan tatua ki Salomo bo bayongan umat in Israel nomia kon rame Pondok Daun pitu nosinggai in koonggotnea. Totuu mobarong in intau inta noyosipun kon tua. Mosia in namangoi nongkon butá Hamat kon utuan nodapot in pinosigadan in Mesir kon toḷatan.

MAZMUR 83:7

bangusa in Edom bo Ismael, intau mita in Moab bo Hagar;

YESAYA 10:9

Inagowku in kotá mita in Kalno bo Karkemis, Hamat bo Arpad. Inagowku doman in kotá mita in Samaria bo Damsyik.

YEREMIA 52:9

Onda intua ki Datu Zedekia dinia kon i Datu Nebukadnezar kon kotá in Ribla kon daerah in Hamat, bo iḷabúan in hukuman minatoi.

YEHEZKIEL 27:9

Mogogimok mita inta nomia kon kapaḷ in mogogimok mita nongkon Gebal. Nongkon bayongan in butá kapaḷ mita in mamangoi moyopakat mototaḷuian.

AMOS 6:2

Bayádon indoiai in kon Kalne, bo bayádon turus kon kotá in Hamat inta moḷoben tua, onda intua bayá in kotá in Gat kon Pilistin. Kainimu kamai dá kotábí mita tatua in mopia-pia nongkon dodatuan in Yohuda bo Israel? Eta degá butá monia in moḷobe-ḷoben nongkon butámu?

PINOGIAPAN 13:21

Dá nobuatdon in intau mita tatua nopobayá ná utuan bo nonaridi kon butá tatua pinangkoi nongkon padang gurun Zin kon dotá in toḷatan nopobayá ná utuan nodapot kon kotá in Rehob, nodiug kon daḷan mayá in Hamat.

PINOGIAPAN 34:8

bo nongkon tua mopobayá in Daḷan Hamat, bo tumurus mayá in Zedad

ULANGAN 1:7

Tanaa kokaidon in ḷoḷaiganmu bo bayádon kon buḷud in intau Amori bo kon bayongan in butá inta kon diugneamai, tuata in Ḷopá in Yordan, butá inta notombuḷud bo inta nooyuk, butá inta kon dotá in toḷatan bo pintad in Dagat Toyuak. Bayádon ḻitúai in butá in Kanaan bo Buḷud in Libanon modapot kon ongkag moḷoben in Eprat.

ULANGAN 3:25

Ogoipa in akuoi ḷumoḷan kon Ongkag in Yordan, o Tuhan, sin moindoi kon butá inta mopia kon ḷoḷan, buḷud inta mogaga bo Buḷud in Libanon.

YOSUA 11:17

Kooḷad in butá tatua in pinangkoi nongkon Buḷud Noḷogat kon dotá in toḷatan kon diug in Edom, nodapot kon utuan kinoyoyayú in Baal Gad kon Ḷopá in Libanon kon dotá in toḷatan Buḷud in Hermon. Noonggot totok in ki Yosua noparang takin datu mita kon butá tatua, táe kon buitnea nodomok bo noḻimod in sia kon i monia komintan.

YOSUA 11:3

Sia in nopotabá doman in intau minayá kon intau in Kanaan inta kon dotá in toyopan bo kon dotá in pomukaan kon Yordan, kon intau in Amori, Het, Peris, bo intau in Yebus inta kon buḷud mita, bo kon intau in Hewi kon sipangkoion in Buḷud in Hermon kon butá in Mizpa.

YOSUA 12:7

Datu mita inta sinaḷow i Yosua bo in bangusa Israel tuata in bayongan datu mita kon butá inta kon dotá in toyopan Ongkag in Yordan, nongkon Baal-Gad kon Ḷopá in Libanon minayá nodapot kon Buḷud Ḷogat kon dotá in toḷatan kon diug in Edom. Butá tatua in sinila-silai i Yosua kon suku mita in bangusa Israel sin baḻíon butá kapunyaan monia.