YOSUA 13:4 - Alkitab Singog In Mongondow Masa In Tanaa

⁴ Bo mustipa doman agowon: bayongan butá in Kanaan bo Meara (kapunyaan in bangusa in Sidon), nodapot kon Apek kon pinosigadan in butá in bangusa Amori;

YOSUA 13:4 Iomraidhean Croise

DATU MITA IMITÁNEA 20:26

Kon sempo in pononubú noiduduimai nopotabádon in sia in tontaranea bo nopobayá ná kotá in Apek sin monubu kon intau in Israel.

DATU MITA IMITÁNEA 20:30

Intau mita inta nokoḷagui, noḷagui minayá in kotá in Apek, táe dinding in kotá tatua noumpag bo noibumbun kon 27.000 in intau kon sigad monia. Ki Benhadad in noḷagui doman minayá in kotá tatua bo nogadop kon tobatú baḷoi kon gopot dotá in bonunea.

YEHEZKIEL 16:3

Ki Tuhan Inta Totok in moḷantud nopotabá kon inakó mopotaau in koyow tanaa kon Yerusalem, “Ei Yerusalem, iko in pinononggadí kon butá in Kanaan. Ki amámu intau in Amori bo ki inámu intau in Het.

AMOS 2:10

Moiko in dinia-Kudon iḻumuai nongkon Mesir, bo dinia-Ku nongin rawang in bungaion opat nopuḷú notaong in koonggotnea. Butá in intau in Amori ain inogoi-Ku kon inimu nobaḻí butámu tontaní.

YOSUA 10:40

Bayongan in butá tatua pinotungkud i Yosua. Sia nonaḷow kon bayongan in datu mita inta kon buḷud, kon oyuk mita in buḷud kon dotá in pomukaan, kon sipangkoion mita in buḷud kon dotá in toyopan, bo kon ḷopá mita kon dotá in toḷatan. Diábí in tobatúmai in intau in pinomayánea mako nobiag; komintanbí iḻimod. Tua in pinoduduibí kon parenta i Tuhan, Allah in Israel.

YOSUA 11:3

Sia in nopotabá doman in intau minayá kon intau in Kanaan inta kon dotá in toyopan bo kon dotá in pomukaan kon Yordan, kon intau in Amori, Het, Peris, bo intau in Yebus inta kon buḷud mita, bo kon intau in Hewi kon sipangkoion in Buḷud in Hermon kon butá in Mizpa.

YOSUA 19:30

Uma, Apek, bo Rehob. Kobayong in butá monia tua in doyowa nopuḷú bodoyowá in kotá takin ḻipú mita kon diugneamai.

SAMUEL 1 4:1

Kon dodai intua intau in Pilistin nopotabádon in bayongan in tontaranea sin moḻibut kon Israel; tuamai tontara in Israel minayá in tampat pinoparangan; mosia nononḷoḷaigan kon diug in Eben-Haezer, bo tontara in Pilistin nononḷoḷaigan kon Apek.