YOSUA 13:16 - Alkitab Singog In Mongondow Masa In Tanaa

¹⁶ Butá monia tua in nongkon Aroër (kon bingkí in Ḷopá in Ongkag in Arnon) bo kotá inta kon yua-yuak in ḷopá tatua nodapot kon bayongan in rata inta moḷantud kon diugmai in Medeba;

YOSUA 13:16 Iomraidhean Croise

SAMUEL 2 24:5

Naonda in iḷumoḷan kon Ongkag in Yordan, ki Yoab bo intaunea nononḷoḷaigan kon dotá in toḷatan kon Aroër, kotá tobatú kon yua-yuak in ḷopá kon butá in Gad. Nongkon tua in mosia minayá in utuan, ná Yaezer,

YESAYA 15:4

Intau in Hesybon Eleale momaḷú, bo singog monia in kodongogan nodapot kon Yahas. Nodapot in tontara mita mogugur; mosia in kinobuḻiandon in barani.

PINOGIAPAN 21:26

Hesybon tua in ibukotá in Datu Sihon. Sia perna noparang takin i datu Moab bo nogagow kon butánea nodapot in kinoouputbí Ongkag in Arnon.

ULANGAN 3:12

“Naonda in butá tatua nobaḻí kapunyaan naton, inogoiku intua kon suku Ruben bo Gad in butá kon dotá in utuan kotá in Aroër kon diug in Ongkag in Arnon, bo tongosilai nongkon butá in buḷud Gilead, noitakin doman in kotánea mita.

YOSUA 12:2

Tobatú in tangoinea in ki Sihon, datu in Amori inta noiḻitú kon Hesybon. Butá inta kon bonu in kawasanea in tongobotak in butá in Gilead; inta nongkon Aroër (kon bingkí in Ḷopá in Arnon) bo kotá inta kon yua-yuak in ḷopá tatua nodapot in kinoouput in Ongkag in Yabok inta kon pinosigadan in butá in bangusa Amon;

YOSUA 13:15

Tongobotak nongkon butá inta pinodandi i Tuhan kon umat in Israel tua ain inogoi i Musa kon motoḷuadí kon bonu in suku i Ruben, sin mobaḻí butá kapunyaan monia.

YOSUA 13:17

noituot doman in Hesybon bo bayongan in kotá inta kon rata moḷantud tatua, tuata in Dibon, Bamot-Baal, Bet Baal-Meon,

YOSUA 13:9

Butá monia tua in nongkon Aroër (kon bingkí in Ḷopá in Ongkag in Arnon), bo kotá inta kon yua-yuak in ḷopá tatua. Bo bayongan in butá rata moḷantud nongkon Medeba nodapot kon Dibon

YOSUA 14:3

Butá kon dotá in pomukaan kon Ongkag in Yordan ain inogoi i Musa kon doyowa bo tongobotak in suku bangusa ibanea tua. (Paraḷu paison kon naa kon buí i Yusup nosilai doyowa nosuku: Suku Manasye bo Suku Epraim.) Aka soaḷ suku in Lewi, diábí in butá in inogoi i Musa kon i monia. Mosia in tongábí inogoian in kotá mita sin pogutunan, takin doman tampat popokaanan kon bayongan bobiagon sapi bo domba monia.

YOSUA 18:7

Tongá suku in Lewi in diá motarima kon tonsilai butá moyotakin monimu, sin oaidan saḷaku imang mita inta mogundoi kon i Tuhan tuatadon in nobaḻí tonsilai kon i monia. Bo aka suku i Gad, i Ruben bo tongosilai in suku i Manasye, totuu kon mosia in notarimadon kon tonsilainea kon dotá in pomukaan kon Ongkag in Yordan. Ki Musa mogogundoi i Tuhan, ain nobogoi in butá tatua kon i monia.”

HAKIM MITA 11:26

Toḷu nogatut notaong in koonggotnea Israel nongawasa kon Hesybon bo Aroër takin ḻipú mita inta kon ḻibuneamai, bo bayongan in kotá mita inta kon bingkí in Ongkag in Arnon. Bo nongonu sin kon dodai intua diábí ginamámu bui?