YOSUA 12:6 - Alkitab Singog In Mongondow Masa In Tanaa

⁶ Tuata in datu doyowa inta sinaḷow i Musa bo in intau in Israel. Butá in datu mita tatua inogoi i Musa, mogogundoi i Tuhan, kon suku i Ruben, Gad, bo tongobotak in suku Manasye, sin mobaḻí butá kapunyaan monia.

YOSUA 12:6 Iomraidhean Croise

PINOGIAPAN 32:29

“Aka intau mita in Gad bo intau mita in Ruben dumudui kon parenta i Tuhan bo ḷumoḷan kon Ongkag in Yordan sin moparang, bo aka moidoyon doman kon totuḷung monia bo mountung poḷat mokoagow in moiko kon butá tatua, dá butá in Gilead musti ogoidon monimu kon i monia mobaḻí kapunyaan monia.

PINOGIAPAN 32:32

Kon bonu in tongganut i Tuhan kami in ḷumoḷanbí mayá in butá in Kanaan bo mayá moparang, táe igumondon nami in butá kon dotá in pomukaan kon Ongkag in Yordan naa umuran mobaḻí kapunyaan nami.”

PINOGIAPAN 32:33

Bo inogoidon i Musa kon suku mita in Gad bo Ruben bo kon tobotak in suku Manasye in bayongan butá in Sihon, datu in Amori, bo butá in Og, datu in Basan, noitakin doman in kotá mita bo butá kon diugneamai.

YOSUA 14:3

Butá kon dotá in pomukaan kon Ongkag in Yordan ain inogoi i Musa kon doyowa bo tongobotak in suku bangusa ibanea tua. (Paraḷu paison kon naa kon buí i Yusup nosilai doyowa nosuku: Suku Manasye bo Suku Epraim.) Aka soaḷ suku in Lewi, diábí in butá in inogoi i Musa kon i monia. Mosia in tongábí inogoian in kotá mita sin pogutunan, takin doman tampat popokaanan kon bayongan bobiagon sapi bo domba monia.

YOSUA 18:7

Tongá suku in Lewi in diá motarima kon tonsilai butá moyotakin monimu, sin oaidan saḷaku imang mita inta mogundoi kon i Tuhan tuatadon in nobaḻí tonsilai kon i monia. Bo aka suku i Gad, i Ruben bo tongosilai in suku i Manasye, totuu kon mosia in notarimadon kon tonsilainea kon dotá in pomukaan kon Ongkag in Yordan. Ki Musa mogogundoi i Tuhan, ain nobogoi in butá tatua kon i monia.”

YOSUA 22:4

Dá podudui in dandi-Nea, ki Tuhan Allahmu ain nobogoi in kobiagan notompia kon i utatmu mita, intau in Israel ibanea. Dá, pobuidon in tanaa mako kon butámu tontaní kon dotá in pomukaan kon Ongkag in Yordan tatua inta inogoi i Musa kon inimu koḻipod.