YOSUA 12:1 - Alkitab Singog In Mongondow Masa In Tanaa

¹ Butá inta kon dotá in pomukaan kon Yordan, nongkon Ḷopá in Ongkag Arnon bo notakod monik kon Ḷopá in Yordan nodapot kon nouput in Buḷud in Hermon kon dotá in utuan, aindon inagow bo iḻitúan in intau Israel. Doyowa in datu in sinaḷow monia.

YOSUA 12:1 Iomraidhean Croise

MAZMUR 133:3

Andeka naonda bo oḷú kon Buḷud in Hermon, inta noiḻig monag kon tombuḷud mita in Sion. Kon tuata in popoangoian i Tuhan in barakat-Nea, kobiagan modapot in mononoi.

MAZMUR 136:21

Butá monia in inogoi-Nea kon umat-Nea; tabi-Nea in umuran mononoi;

MAZMUR 89:12

Ḷangit bo butá Iko in kitogi, dunia bo bayongan in tombonunea Iko in nomaḻí.

YESAYA 16:2

Intau mita in Moab nogoḷat kon bingkí in Ongkag in Arnon sindaḷan maya-mayá takin notoboḻingo naonda bo ḷagapan inta inuntun nongkon pugadnea.

PINOGIAPAN 21:13

Nongkon tua mosia bui nobuat bo nononḷoḷaigan kon ḷoḷan in Ongkag in Arnon, kon padang gurun bo inta iḻumuai nongkon butá in intau Amori. Ongkag in Arnon tatua in nobaḻí sigad in butá in intau Moab bo butá in intau in Amori.

PINOGIAPAN 21:21

Bo intau mita in Israel nopotabá kon totabá mita minayá kon i Sihon, datu in Amori, sin mopotaau in koyow tanaa,

PINOGIAPAN 21:24

Táe kon pinoparangan tatua nobarong intau in Amori in iḻimod in intau Israel. Bo kinawasaandon in intau Israel in butá monia nongkon Ongkag in Arnon nodapot in Ongkag in Yabok, inta pinosigadan in butá in intau in Amon, sin pinosigadan tatua totok in moropot in pinoḷoḷukad monia.

PINOGIAPAN 32:19

Kami in doíbí motarima kon topiḻikmai nongkon butá monia inta kon ḷoḷan Ongkag in Yordan, sin kami ain notarima kon tonsilai nami kon naa, kon dotá in pomukaan kon Ongkag in Yordan.”

PINOGIAPAN 32:32

Kon bonu in tongganut i Tuhan kami in ḷumoḷanbí mayá in butá in Kanaan bo mayá moparang, táe igumondon nami in butá kon dotá in pomukaan kon Ongkag in Yordan naa umuran mobaḻí kapunyaan nami.”

PINOGIAPAN 32:33

Bo inogoidon i Musa kon suku mita in Gad bo Ruben bo kon tobotak in suku Manasye in bayongan butá in Sihon, datu in Amori, bo butá in Og, datu in Basan, noitakin doman in kotá mita bo butá kon diugneamai.

ULANGAN 2:24

“Naonda in kita nonaḻib kon butá in Moab, ki Tuhan noguman kon i naton, ‘Bayádon in tanaa mako ḷumoḷan kon Ongkag in Arnon. Ogoi-Kudon kon i monimu in Sihon, datu in Amori inta nomarenta kon Hesybon, takin butánea. Tubudon in sia, bo ḻitúaidon in butánea.

ULANGAN 2:32

Dá namangoidon in ki Sihon takin tontaranea mita sin monubu kon i naton kon diug in kotá in Yahas.

ULANGAN 3:1

“Onda intua kita nopobayá ná utuan kon butá in Basan. Ki Og, datu in Basan namangoi sin monubu kon i naton kon diug in kotá in Edrei.

ULANGAN 4:44

Bo ki Musa nobogoi in hukum bo atorang mita i Allah kon bangusa Israel.

ULANGAN 4:48

Butá tatua nobendar nongkon kotá in Aroër kon bingkí in Ongkag in Arnon, minayá turus ná utuan nodapot kon Buḷud in Siryon, tuata in Buḷud in Hermon,

YOSUA 1:15

Musti in moiko motuḷung kon i monia modapot in mosia moiḻitú kon butá inta kon dotá in toyopan kon Ongkag in Yordan tanaa inta inogoi i Tuhan Allahmu kon i monia. Naonda in ki Tuhan nobogoi in kaadaan mopia kon bayongan in bangusa Israel, bain tua bo moiko motaau mobui kon butámu tontaní kon dotá in pomukaan kon Yordan tanaa, inta inogoi i Musa mogogundoi i Tuhan tatua kon inimu.”

YOSUA 11:17

Kooḷad in butá tatua in pinangkoi nongkon Buḷud Noḷogat kon dotá in toḷatan kon diug in Edom, nodapot kon utuan kinoyoyayú in Baal Gad kon Ḷopá in Libanon kon dotá in toḷatan Buḷud in Hermon. Noonggot totok in ki Yosua noparang takin datu mita kon butá tatua, táe kon buitnea nodomok bo noḻimod in sia kon i monia komintan.

YOSUA 11:3

Sia in nopotabá doman in intau minayá kon intau in Kanaan inta kon dotá in toyopan bo kon dotá in pomukaan kon Yordan, kon intau in Amori, Het, Peris, bo intau in Yebus inta kon buḷud mita, bo kon intau in Hewi kon sipangkoion in Buḷud in Hermon kon butá in Mizpa.

YOSUA 13:8

Suku in Ruben, i Gad bo tongobotak in suku Manasye ain notarima kon butá tonsilai monia nongkon i Musa, mogogundoi i Tuhan tua; tuata in butá inta kon dotá in pomukaan kon Ongkag in Yordan.

YOSUA 22:4

Dá podudui in dandi-Nea, ki Tuhan Allahmu ain nobogoi in kobiagan notompia kon i utatmu mita, intau in Israel ibanea. Dá, pobuidon in tanaa mako kon butámu tontaní kon dotá in pomukaan kon Ongkag in Yordan tatua inta inogoi i Musa kon inimu koḻipod.

HAKIM MITA 11:18

Onda intua mosia nongingguputdon kon bobayáan monia nongin padang gurun, tongá diábí sinumaḻib kon butá in Edom bo Moab, táe noḻibudon nodapot kon dotá in pomukaan kon Moab, kon ḷoḷan in Ongkag in Arnon. Mosia nononḷoḷaigan kon tua, táe diábí iḷumoḷan kon ongkag tatua, sin butá tatua in noituotdon kon butá in Moab.