YOSUA 11:6 - Alkitab Singog In Mongondow Masa In Tanaa

⁶ Ki Tuhan noguman kon i Yosua, “Dika moondok kon i monia. Ikoḷom kon oras ná tanaa, mosia tua in komintandon ḻimodon-Ku sin motuḷung kon Israel. Kabaḷo monia in musti pengkoḷanmu, bo kereta mita in parang monia in musti turubon mu.”

YOSUA 11:6 Iomraidhean Croise

SAMUEL 2 8:4

Ki Daud in nodomok kon 1.700 in tontara inta sinumakoi kon kabaḷo bo 20.000 in tontara inta minaya-mayá in sioḷ. Pinengkoḷannea in bayongan kabaḷo, koḻikudon in tongosilai, inta tugat pakéon kon kereta in parang mogatut.

DATU MITA 2 6:16

“Dika moondok,” tubag i Elisa. “Inta kon dotábí naton in mobayo-bayong nongkon intau mita inta kon dotá monia.”

TAWARIKH 2 20:16

Ikoḷom kon tungkuḷ in mosia motakod mongin daḷan inta motakod kon Zis, tubudon in mosia. Moiko in moyogintayowbí monia kon popod in ḷopá kon tayowon in padang gurun kon diug in Yeruel.

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 46:9

Igai, indoiaika mongo onu in pinomia i Tuhan, totuu mokoherang in oaidan-Nea kon dunia!

AMSAL 20:7

Adí mita mountung aka oyúon in guyanga ḷoḷaki inta mopia bo motuḻid in kobobiagnea.

YESAYA 30:16

Nodapotbí in moiko nomiabí kon tomayá sin moḷagui nongkon musung tumakoi kon kabaḷo inta moḻikat. Mopia! Totuu moiko in mustibí moḷagui! Kai monimu kamai dá kabaḷomu tua in tugatbí in koḻikatnea, bokaka mogogaḷumubí in moḻika-ḻikat nongkon i monimu.

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YEHEZKIEL 39:9

Intau mita kon kotá in Israel in ḷumuaibí moyo-moyodudui sin mosipun kon pakakat in parang inta ain sinaḷáan, ná kaḻeaw bo kedang, puḷu in piot bo piotnea takin tungkud bobobak. Tua mita in baḻíondon monia kayu podungú, bo tugatbí pakéon pitu notaong intua.

HOSEA 14:3

Pobuidon kon i Tuhan bo poyaputdon in sambayang tanaa saḷaku sosumbamu kon i-Nia, “Tuhan, ampungaidon in bayongan dosa nami, bo tarimadon kaasí in sambayang nami naa, dá kami in modayowbí kon ini-Mu ná inta ain pinodandi nami.

NAHUM 2:13

“Akuoi naa in musungmu,” guman i Tuhan Inta Totok in mokawasa. “Keretamu mita in tubáan-Ku komintan. Prajuritmu in matoi kon poparangan, bo gamáan-Kubí in bayongan yagi-yagi inta ain ginamámu nongkon intau ibanea. Onu in sinuntut mita in intau pinotabámu in diá bidon kodongogan.”

ULANGAN 7:16

Batúan in bangusa inta pinosarakan i Tuhan Allahmu kon bonu in kawasa mu musti yopúon monimu; dika mopoontong in tabi kon i monia. Dika mosumba kon ilah mita monia, sin aid mita natua mokopoangoi kon bodito kon inimu.

YOSUA 10:8

Ki Tuhan noguman kon i Yosua, “Dika moondok kon i monia. Kauntungan inogoi-Kudon kon inimu, tuamai in diábí tobatúmai in intau mokotahang in monayow kon inimu.”

YOSUA 11:5

Bayongan in datu mita tatua noyopakat bo namangoi noyotakin nononḷoḷaigan kon diug in Tapá in Merom sin monubu kon Israel.

YOSUA 11:7

Dá ki Yosua takin bayongan in tontaranea nonubu kon musung tatua dinumaḻi-daḻí kon diug in Tapá in Merom.

YOSUA 11:9

Ki Yosua in nopoaid intua kon i monia pinodudui kon onu inta pinarenta i Tuhan: pinengkoḷannea in kabaḷo monia, bo nonurub kon kereta mita in parang monia.

YOSUA 3:5

Ki Yosua noguman kon umat in Israel, “Moiko in musti mopotusi in awak, sin ikoḷom in ki Tuhan mogaid kon inta mokoherang kon yua-yuakmu.”

HAKIM MITA 7:9

Doḷom tua ki Tuhan noguman kon i Gideon, “Pobangon, Gideon! Bayádon tubu in pinononḷoḷaigan in intau in Midian. Popountung-Kubí in iko nongkon i monia.

SAMUEL 1 11:9

Nopaḷut mako kon tua pinotaaudon nanaa kon totabá nongkon Yabesh: “Potaaudon kon bayongan in intau kon Yabesh, kon ikoḷom doḷo-doḷom kon dodai in diápa moutu in singgai, mosia in mokouḻíbí kon totuḷung.” Naonda in intau mita in Yabesh notarima kon koyow tatua, nopiadon totok in gina monia.