YOSUA 11:4 - Alkitab Singog In Mongondow Masa In Tanaa

⁴ Dá namangoidon in datu mita tatua takin bayongan in tontara monia inta totok in mobayong nádon bungaion kon pintad. Kabaḷo bo kereta in parang monia in mobarong domandon totok.

YOSUA 11:4 Iomraidhean Croise

KINOBAḺIAN 22:17

Akuoi mobogoi in barakat kobarongon totok kon inimu bo baḻíon-Ku in buímu moantó naonda bo tundi kon ḷangit bo ná kobayong in bungayon kon bingkí in dagat. Ki adí bo ki ompumu in monaḷowdon kon musung mita monia.

KINOBAḺIAN 32:12

Toropdon kon ki Tuhan tontaní ain nodandi monompia kon inakó kotompiaan bo mobogoi kon inakó in buí mobarong. Diá tobatúmai in mokoiap sin kobayongnea naonda bo bungaion kon pintad.”

SAMUEL 2 17:11

Tuamai nanaa in tongginaku: Sipundon in bayongan intau in israel nongkon bayongan in butá, modapot in kobayongnea in nádon bungaion kon pintad. Bo ki Tuangdon tontaní in modia kon i monia mayá moparang.

DATU MITA IMITÁNEA 4:20

Rayat in Yohuda bo in Israel kobayongnea in naonda bo bungaion kon pintad. Kon i monia tua oyúonbí in kaanon bo inumon inta tugat pakéon bo nobiag doman nosanang.

MAZMUR 20:8

Oyúon in intau inta mopongata in kereta in parangnea, oyúon doman in mopongata in kabaḷonea. Táe kita in mopongata in kawasa in Tuhan, ki Allah naton.

YOSUA 11:5

Bayongan in datu mita tatua noyopakat bo namangoi noyotakin nononḷoḷaigan kon diug in Tapá in Merom sin monubu kon Israel.

HAKIM MITA 7:12

Intau in Midian, Amalek bo intau mita ibanea nongkon padang gurun, noibaya-bayádon mako kon ḷopá tatua. Koontongan in nádon onda bo pangkoḷá inta noyosipun. Unta mita monia mobarong totok naonda bo bungaion kon pintad.

SAMUEL 1 13:5

Bo kon dodai intua intau in Pilistin noyosipun domandon sin monubu kon intau in Israel; kon dotá monia oyúon in 30.000 in kereta in parang, 6.000 in intau sinumakoi kon kabaḷo, bo prajurit mita ná kobayong in bungaion kon pintad. Mosia in noyosipun kon Mikhmas kon dotá in pomukaan kon Bet-Awen.