YOSUA 11:2 - Alkitab Singog In Mongondow Masa In Tanaa

² kon datu mita kon buḷud mita kon dotá in utuan, kon Ḷopá in Yordan kon dotá in toḷatan kon Galilea, kon butá inta kon pangkoi in buḷud, bo kon butá inta kon pintad kon diug in Dor.

YOSUA 11:2 Iomraidhean Croise

DATU MITA IMITÁNEA 15:20

Noibog in ki Benhadad kon tongganut tatua bo nopotabá in porwiranea mita noyotakin in tontara mita monia minayá nonubu kon kotá mita in Israel. Mosia in nonaḷow kon Iyon, Dan, Abel-Bet-Maakha bo Kinerot kon diug in Danow Galilea bo bayongan in butá in Naptali.

PINOGIAPAN 34:11

Nongkon tua mosiḻig kon Ribla kon dotá in pomukaan kon Ain, bo tumurus kon buḷud mita kon pintad in pomukaan kon Danow in Galilea,

LUKAS 1:39

Diá noonggot kon tua, ki Maria minayá in tobatú kotá kon buḷud in Yudea.

LUKAS 5:1

Kon singgai tobatú ki Yesus sinimindog mako kon pintad in Danow Genesaret. Nobayong intau in namangoi kon i-Nia sin mokidongog kon Habar Mopia nongkon i Allah.

YOSUA 10:40

Bayongan in butá tatua pinotungkud i Yosua. Sia nonaḷow kon bayongan in datu mita inta kon buḷud, kon oyuk mita in buḷud kon dotá in pomukaan, kon sipangkoion mita in buḷud kon dotá in toyopan, bo kon ḷopá mita kon dotá in toḷatan. Diábí in tobatúmai in intau in pinomayánea mako nobiag; komintanbí iḻimod. Tua in pinoduduibí kon parenta i Tuhan, Allah in Israel.

YOSUA 10:6

Intau mita in Gibeon nopotaau in habar tanaa kon i Yosua inta kon pinononḷoḷaigan kon Gilgal, “Dika pomayá mako in kami tontaní, Tuang! Ḷagidon angoi bantungai in kami, sin tontara nongkon bayongan datu in Amori kon buḷud ain noyodondon sin monubu kon inami!”

YOSUA 11:16

Ki Yosua in nogagow kon bayongan in butá tatua – kon buḷud, kon sipangkoion in buḷud, pinomayá kon utuan ande inta kon toḷatan; bo bayongan doman butá in Gosyen, takin Ḷopá in Yordan.

YOSUA 11:21

Kon tungkuḷ doman intua ki Yosua minayá noyopú kon bangusa in Enak, bangusa inta intaunea in mongoḷoben bo moitoi inta nogutun kon buḷud – kon Hebron, Debir, Anab, bo kon bayongan in buḷud in Yohuda bo Israel. Mosia iḻimod komintan i Yosua, bo kotá mita monia in pinayong.

YOSUA 12:3

Noitakin doman in butá Ḷopá in Yordan kon dotá in pomukaan, nongkon Danow Galilea nopobayá ná toḷatan nodapot kon Bet-Yesimot (kon dotá in pomukaan kon Laut Mati), minayá turus kon sipangkoion in Buḷud in Pisga.

YOSUA 13:27

Kon Ḷopá in Yordan, butá in suku Gad tatua nongkon Bet-Haram, Bet-Nimra, Sukot, bo Zapon, inta ki agat in butá inta kinawasa in Datu Sihon kon Hesybon. Pinosigadan kon dotá in toyopan kon butá in suku Gad tatua in Ongkag in Yordan nodapot in Danow Galilea kon dotá in utuan.

YOSUA 17:11

Kon bonu in butá i Isakhar bo i Asyer tua oyúon in butá mita kapunyaan i Manasye, tuata in Bet-Sean bo Yibleam takin ḻipú mita kon diugneamai. Noituot doman: in Dor (kotá inta noiukat kon bingkí in dagat), En-Dor, Taanakh, Megido takin ḻipú mita kon diugneamai.

HAKIM MITA 1:27

Suku in Manasye in diábí nopoguntun kon intau inta nogutun kon Bet-Sean, Taanakh, Dor, Yibleam bo Megido takin ḻipú mita kon diugneamai. Dá intau in Kanaan umuran nogutun kon tua.