YOSUA 11:12 - Alkitab Singog In Mongondow Masa In Tanaa

¹² Bayongan in kotá mita tatua inagow i Yosua, bo datunea mita in dinomok bo iḻimod pinodudui kon parenta i Musa, mogogundoi i Tuhan tua.

YOSUA 11:12 Iomraidhean Croise

ULANGAN 7:2

Aka ki Tuhan Allahmu moposarakan in bangusa mita tatua kon bonu in kawasamu bo moiko monaḷowdon kon i monia, ḻimodon in mosia komintan. Dika motabi kon i monia ande momia kon dodandian takin i monia.

ULANGAN 9:3

Táe tanaa, ontongonbí monimu tontaní naonda in ki Tuhan Allahmu mayá kon muna monimu naonda bo tuḷú inta mokopokak. Sia in monaḷowbí kon i monia kon tayowonmu, dá kountunan bo koyopúanbí monimu in mosia motoyong ná inta pinodandi i Tuhan.

YOSUA 10:20

Ki Yosua bo intau mita in Israel noḻimod kon intau mita in Amori tatua, táe oyúonpa doman in kon sigad mita monia in noḷagui minayá in kotá notayak kon pinogadopan, dá diá kinoḻimodan.

YOSUA 10:28

Singgai tatua ki Yosua nonubu kon Makeda, bo poḷat nonaḷow kon kotá tatua takin datu monia. Bayongan in intau kon kotá tatua iḻimodnea; diá tobatúmai in pinomayá mako nobiag. Inaidanmai i Yosua in datu in Makeda tatua ná doman pinogogaidnea kon i datu in Yerikho.

YOSUA 10:30

Ki Tuhan in nopountung domandon kon intau in Israel nongkon kotá tanaa bo datu monia. Diá tobatúmai in pinomayánea nobiag; bayongan in intau kon bonu in kotá tatua iḻimod. Inaidanmai i Yosua in datu in kotá tatua ná doman pinogogaidnea kon i datu in Yerikho.

YOSUA 10:32

Ki Tuhan nopountung kon intau in Israel nongkon i Lakhis kon pinoparangan kon singgai nogindua. Onu in inaidan monia kon Libna, inaidan doman monia kon Lakhis; diábí in tobatúmai intau in pinomayá mako nobiag, komintanbí iḻimod.

YOSUA 10:35

Kon singgai doman tatua kinoagowan monia in Eglon, bo noḻimod kon bayongan in intau kon tua ná inta inaidan monia kon Lakhis.

YOSUA 10:37

poḷat nogagow kon kotá tatua. Datunea bo bayongan in intau kon kotá tatua bo kon kotá mita ibanea inta kon diugneamai, nodaitbí iḻimod. Ki Yosua in norimumud kon bayongan in kotá tatua ná pinogogaidnea kon kotá in Eglon. Diá tobatúmai in pinomayánea mako in nobiag kon tua.

YOSUA 11:13

Táe kotá mita inta pinosindog kon tudu in buḷud mita inta ain irimumud, diábí in tobatúmai in sinurub intau in Israel, koḻikudbí in Hazor inta sinurub i Yosua tontaní.

YOSUA 11:15

Bayongan inta pinarenta i Tuhan kon i Musa, mogogundoinea, aindon pinoguman i Musa kon i Yosua, bo inaidan doman i Yosua; diábí in tobatúmai in diá inaidannea.

YOSUA 13:6

Noituot doman in bayongan butá in intau in Sidon, inta nogutun kon buḷud kon sigad in buḷud mita in Libanon bo Misrepot-Maim.” “Bayongan in bangusa tatua in poguntunon-Kubí komintan, kon dodai in bangusa Israel monubudon kon i monia,” Guman i Tuhan noidudui kon i Yosua. “Butá tatua in mustibí sila-silaionmu kon umat in Israel sin mobaḻí kapunyaan monia, ná inta ain pinarenta-Ku kon inimu.

YOSUA 21:44

Dá podudui kon onu inta pinodandi i Tuhan kon mogoguyang monia, butá tatua nodame sin iḷukadan i Tuhan. Musung mita monia diá in tobatúmai in mokotaḷow kon i monia, sin ki Tuhan in nobogoi in kauntungan kon intau in Israel nongkon bayongan in musung monia.

YOSUA 8:31

Pinomianea in mezbah tatua pinopodudui kon topotundú mita inta kon bonu in buk i Musa, mogogundoi i Tuhan tua, kon intau in Israel: “Mezbah tobatú nongkon batu mita inta diápa kon dodai in onda inaidan in pakakat uatoi.” Kon tudu in mezbah tatua intau mita in Israel noposumba kon i Tuhan: in kuruban payongon bo kuruban pondamean kon i monia.

YOSUA 8:8

Naonda in koagowan mako turubdon in kotá tatua, podudui kon ná inta ain pinarenta i Tuhan. Tuata in oaidanmu.”

YOSUA 9:24

Mosia notubag, “Pinomia nami in natua sin dinongogdon nami kon ki Tuhan Allah inta sinumba i Tuang tua ain nopotabá kon i Musa, mogogundoi-Nea tua, nobogoidon kon i Tuang in bayongan butá tanaa bo moḻimod kon bayongan in intau inta nogutun kon butá tanaa kon dodai in tai Tuang mogamádon kon butá tatua. Kami in moondokdon totok aka ḻimodon in kami, tuamai pinomia nami in tanaa mita.