YOSUA 10:8 - Alkitab Singog In Mongondow Masa In Tanaa

⁸ Ki Tuhan noguman kon i Yosua, “Dika moondok kon i monia. Kauntungan inogoi-Kudon kon inimu, tuamai in diábí tobatúmai in intau mokotahang in monayow kon inimu.”

YOSUA 10:8 Iomraidhean Croise

DATU MITA IMITÁNEA 20:13

Kon dodai intua, nabi tobatú minayá kon i Datu Ahab bo noguman, “Ki Tuhan in noguman: ‘Inontongmu degá in tontara inta mobayong tatua? Popountung-Kubí in iko kon i monia in singgai naa. Kotaauanmu bidon kon Akuoi in ki Tuhan.’ ”

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

ULANGAN 3:2

Táe ki Tuhan noguman kon inakó, ‘Dika moondok kon inia, Musa. Ogoi-Ku bidon in sia, tontaranea bo bayongan butánea kon inimu. Popoaidon kon inia ná inta pinopoaidmu kon i Sihon, datu in Amori inta nomarenta kon Hesybon,’

ULANGAN 7:24

Sia in moposarakanbí in datu mita monia kon inimu. Ḻimodonbí monimu in mosia, bo tangoi monia in koḻiongandon. Diábí tobatúmai in mokotahang monayow kon i monimu; mosia komintan in daitonbí monimu yopúon.

YOSUA 10:25

Nopaḷut mako kon tua, ki Yosua noguman kon porwira mita tatua, “Dika moḻia-ḻiaw in gina bo dika moondok. Pokoyakin bo pokobarani in moiko, sin nanaabí in pogogaid i Tuhan kon bayongan in musungmu.”

YOSUA 10:9

Tonggobii tua ki Yosua takin tontaranea mita nobuat nongkon Gilgal nopobayá in Gibeon, bo baḷú nonubu kon intau mita in Amori.

YOSUA 11:6

Ki Tuhan noguman kon i Yosua, “Dika moondok kon i monia. Ikoḷom kon oras ná tanaa, mosia tua in komintandon ḻimodon-Ku sin motuḷung kon Israel. Kabaḷo monia in musti pengkoḷanmu, bo kereta mita in parang monia in musti turubon mu.”

YOSUA 8:1

Ki Tuhan noguman kon i Yosua, “Sipundon in bayongan tontaramu, bo bayádon takin monia kon Ai. Dika moḻia-ḻiaw in gina bo dika moondok! Popountung-Kubí in moiko nongkon i datu in Ai. Rayatnea, kotánea, bo butánea in koagowanmubí.

HAKIM MITA 6:16

“Mokomampubí in iko!” guman i Tuhan, “sin Akuoibí in motuḷung kon inimu. Mogampangmubí in monaḷow kon intau mita in Midian, tongábí naonda bo nonayow in iko kon intau tobatú.”

HAKIM MITA 7:9

Doḷom tua ki Tuhan noguman kon i Gideon, “Pobangon, Gideon! Bayádon tubu in pinononḷoḷaigan in intau in Midian. Popountung-Kubí in iko nongkon i monia.

SAMUEL 1 17:47

bo bayongan in intau kon naa in mokoontongdon kon ki Tuhan in diábí moparaḷu kon kedang andeka pandong in moposaḷamat kon umat-Nea. Siabí in monantú kon daḷan poparangan tanaa bo Sia in moposarakan kon i monimu kon bonu in kawasa nami.”