YOSUA 10:6 - Alkitab Singog In Mongondow Masa In Tanaa

⁶ Intau mita in Gibeon nopotaau in habar tanaa kon i Yosua inta kon pinononḷoḷaigan kon Gilgal, “Dika pomayá mako in kami tontaní, Tuang! Ḷagidon angoi bantungai in kami, sin tontara nongkon bayongan datu in Amori kon buḷud ain noyodondon sin monubu kon inami!”

YOSUA 10:6 Iomraidhean Croise

DATU MITA 2 4:24

Naonda in pinopoḷutudneadon in ḷoḻitúan kon keledai tatua, noguman in sia kon bobantungnea, “Untundon in keledai tanaa sinbá ḻimikat totok in sia; dika oḷoian aka diá pogumanku.”

MAZMUR 125:2

Naonda bo buḷud mita mogoḻingoi kon Yerusalem, natuata in ki Tuhan moḷukad kon umat-Nea tanaa mako modapot in kopaḷutannea.

YESAYA 33:22

Bayongan in touḷut kon kapaḷ monia diá in mangaḻenea; ḻeagnea mita diá motaau songkaan! Bayongan in kaoyúonan in musung in agowon naton, bo mobayong totok, modapot in intau ḻempeng in mokouḻíbí doman kon tonsilai. Ki Tuhan tontaní in mobaḻí datu naton; Sia in momarenta, moposindog in hukum bo moposaḷamat kon i naton nongkon musung.

PINOGIAPAN 13:29

Intau in Amalek nogutun kon dotá in toḷatan butá tatua; Intau in Het, Yebus bo Amori nogutun kon buḷud; bo intau in Kanaan in nogutun kon butá inta kon bingkí in dagat bo kon bingkí Ongkag in Yordan.”

LUKAS 1:39

Diá noonggot kon tua, ki Maria minayá in tobatú kotá kon buḷud in Yudea.

ULANGAN 1:15

Tuamai kon sigad in itoi mita inta piniḻí monimu, tongonumai in intau inta mobijaksana bo inta kopongalaman ginamáku bo binaḻíkudon tongguḷu kon i monimu. Oyúon in binaḻí itoi kon intau toribu, ibanea doman in binaḻí itoi kon intau mogatut, ibanea in itoi kon intau ḻima nopuḷú bo ibanea in itoi kon intau mopuḷú. Akuoi in noduí doman kon itoi mita ibanea sin moindoi bo monompia kon sukumu mita.

YOSUA 10:5

Dá datu in Amori taya ḻima tatua, inta datu in Yerusalem, Hebron, Yarmut, Lakhis bo Eglon noyopakatdon bo takin bayongan in tontara monia, mosia moḻibut bo monubu kon Gibeon.

YOSUA 10:7

Bo ki Yosua takin bayongan in tontaranea, noitakin doman in tontaranea mita inta mongopia totok, nobuat nongkon Gilgal sin mayá moparang.

YOSUA 5:10

Koyogot nononḷoḷaigan kon Gilgal kon rata kon diug in Yerikho, umat Israel noraya kon Paska kon ḷoḷabungnea singgai impuḷú boopat kon buḷan tatua.

YOSUA 9:15

Ki Yosua nomia kon dodandian yoyobayatan takin intau mita in Gibeon tatua, bo nodandidon kon i monia kon diábí moḻimod kon i monia. Itoi mita in umat Israel nongibot doman kon mogintompodbí kon dodandian tatua.

YOSUA 9:6

Natua in kaadaan monia bo minayá nokipodungkuḷ kon i Yosua kon pinononḷoḷaigan kon Gilgal bo noguman kon inia bo kon intau mita in Israel, “Kami in namangoi nongkon butá inta moyayú sin momia kon dodandian takin i Tuang mita.”

YOSUA 9:8

Mosia noguman, “Kami in moibogbí in mogaid kon onuka in parentaan i Tuang.” “Ki ine in moiko? Bo nongkon onda?” Tua in ḷoḻibó i Yosua kon i monia.