YOSUA 10:41 - Alkitab Singog In Mongondow Masa In Tanaa

⁴¹ Ki Yosua nonaḷow kon i monia, nongkon Kades-Barnea kon dotá in toḷatan nodapot in Gaza kon diug in bingkí in pintad, noituot doman in bayongan butá in Gosyen, turus nodapot kon Gibeon kon Utuan.

YOSUA 10:41 Iomraidhean Croise

KINOBAḺIAN 10:19

sahingga sigad mita in butá monia iḷumoben nongkon Sidon mopobayá in toḷatan kon Gerar, nodapot kon diug in Gaza, bo kon pomukaan mopobayá in Sodom, Gomora, Adma, bo Zeboim, dapot kon diug in Lasa.

DATU MITA IMITÁNEA 3:5

Doḷom tua ki Tuhan in nokipogontong kon inia kon bonu in togoindop bo noguman, “Salomo, igumdon onuka in koibogmu, ogoi-Kubí intua kon inimu!”

ZAKHARIA 9:5

Kotá in Askelon bo Gaza in mokoontongbí kon inia bo angoian in ondok. Ekron in mokoontongbí doman bo kobuḻian in bayongan in kamangnea. Gaza in kobuḻian in datunea, bo Askelon in mobaḻí moingongow diá in mogogutun.

PINOGIAPAN 13:26

bo nopotaau kon i Musa, kon i Harun bo kon bayongan umat in Israel inta noyosipunmai kon Kades, kon padang gurun Paran. Inouman monia onu inta inontong bo pinoontong doman monia in bungai mita in kayu inta dinia monia.

PINOGIAPAN 32:8

Ki amá mita monimu nomia doman naníon, kon tungkuḷ in mosia pinotabáku nongkon Kades-Barnea sin mayá moḻibu kon butá tatua.

PINOGIAPAN 34:4

momurow ná toḷatan mopobayá in Daḷan Akrabim bo turus kon Zin nodapot kon Kades-barnea kon toḷatan. Nongkon tua momurow mopobayá in barat laut modapot kon Hazar-Adar, bo turus kon Azmon.

OUMAN IN RASUL MITA 8:26

Tobatú malaekat i Tuhan in noguman kon i Pilipus nanaa, “Pobuatdon! Bayádon kon dotá in toḷatan daḷan mongin Yerusalem mopobayá in Gaza.” Moingongow totok in daḷan tatua.

ULANGAN 1:19

“Bo pinodudui kon parenta i Tuhan Allah naton, kita in monaḷámai kon Buḷud in Sinai bo mayá mongin padang gurun inta mobendar bo motoyang mopobayá ná buḷud mita in intau Amori. Kon dodai in kita modapot kon Kades-Barnea,

ULANGAN 2:23

Butá kon kino ouput in pintad in Dagat Toyuak iḻitúan in intau mita nongkon pulau Kreta. Mosia ain noyompat kon intau in Awi, intau inta muna-munamai nogutun kon butá tatua, bo dongka iḻimitú kon butá tatua nodapot in toḷatan kinoyoyayúbí in kotá in Gaza.)

ULANGAN 9:23

Bo kon dodai in moiko pinotabá i Tuhan monaḷámai kon Kades-Barnea sin mayá bo ḻimitú kon butá inta bain ogoi-Nea kon inimu, moiko noḷawang kon parenta i Tuhan Allahmu; moiko doí mopirisaya ande motoindudui kon i-Nia.

YOSUA 10:12

Kon singgai tatua kon tungkuḷ in ki Tuhan nopountung kon intau mita in Israel nongkon intau mita in Amori, ki Yosua noyosingog i Tuhan. Bo kon tayowon in intau Israel, ki Yosua noguman, “Ei mata in singgai! Pogogaipa kon tombutung in Gibeon. Bo iko buḷan! Dikapa momamping nongkon tombutung in Ḷopá in Ayalon.”

YOSUA 10:2

Intau mita in Yerusalem in noondokdon totok, sin Gibeon tua in kotá inta moḷobenbí; notongkai in koḷoben in kotá mita inta oyúon in datu, nodapot in Gibeonbí tua in moḷobe-ḷoben in Ai. Bo intaunea mita in mongotorindog bo mongopandoi doman moparang.

YOSUA 11:16

Ki Yosua in nogagow kon bayongan in butá tatua – kon buḷud, kon sipangkoion in buḷud, pinomayá kon utuan ande inta kon toḷatan; bo bayongan doman butá in Gosyen, takin Ḷopá in Yordan.

YOSUA 11:22

Diá in tobatúmai in nongkon bangusa in Enak tatua in sinonggagatan kon butá in Israel, tongádon kon Gaza, Gad, bo kon Asdod in oyúonpa.

HAKIM MITA 16:1

Kon singgai tobatú ki Simson minayá in Gaza. Kon tua sia noyodungkuḷ in bobay sundaḷ tobatú bo minayá in sia nosiug takin bobay tatua.

HAKIM MITA 16:21

Dá intau mita in Pilistin nodomokdon kon inia bo nonurak kon batoḷ in matanea. Dinia monia in sia minayá in Gaza bo sinogot monia in rante bitú doyowa, bo pinotuot monia kon ponjara. Kon tua pinoki giḻingan monia in sia.

SAMUEL 1 6:17

Pinongin natua intau in Pilistin nobogoidon kon i Tuhan in sosumba potobut kon dosa in intau mita inta nogutun kon kotá ḻima inta pinarentaan in datu in Pilistin taya ḻima. Naa in tangoi in kotá mita tatua: Asdod, Gaza, Askelon, Gat bo Ekron. Kon sigad in kotá mita tatua oyúon in dininding oyúon doman in diá. Batúan in kotá tatua nokidia tumongo batu doman in bobentuḷ buḷawan bo boyod buḷawan tobatú. Tomponuot kon onu inta nobaḻí tatua in batu moḷoben tampat pinogukatan monia kon Poti Dodandian i Tuhan. Dapotpabí in tanaa batu tatua oyúonpa kon gobá i Yosua, intau in Bet-Semes tatua.