YOSUA 1:11 - Alkitab Singog In Mongondow Masa In Tanaa

¹¹ sinbá moḻibu kon bayongan pinononḷoḷaigan in umat Israel bo nopotaau in parenta tanaa, “Posadia kon tongkaaḷ, sin toḷupa nosinggai nongkon naa bo moiko in mustidon ḷumoḷan kon Ongkag in Yordan sin mayá ḻimitú kon butá inta inogoi i Tuhan Allahmu kon inimu.”

YOSUA 1:11 Iomraidhean Croise

DATU MITA 2 20:5

buipa bayá kon i Hizkia, datu in umat i Tuhan, bo potaau in koyow tanaa, “Akuoi, ki Tuhan, Allah inta sinumba i Daud mogoguyangmu, ain nokodongog kon sambayangmu bo nokoontongdon kon ḷuámu. Undaman-Kudon in iko; toumá in iko in mayádon kon Baḷoi-Ku.

IḶUAIAN 19:11

Toumá mosia in musti nosadiadon. Kon singgai tatua Akuoi in moponagdon kon tudu in Buḷud Sinai, kon tampat inta motaau poindoian in intau mita kon i-Nakó.

HOSEA 6:2

Kon bonu in doyowa andeka toḷu nosinggai naa Sia in monompiabí kon i naton, bo kita in mobiagbí kon siungon-Nea.

ULANGAN 11:31

Diádon moonggot bo moiko in ḷumoḷandon kon Ongkag in Yordan bo ḻimitúdon kon butá inta ogoi i Tuhan Allahmu kon inimu. Naonda in moiko mogagow kon butá tatua bo mogutun kon tua,

ULANGAN 3:18

Kon dodai intua akuoi nobogoi kon i monia in parenta tanaa: Ki Tuhan Allahmu nobogoi kon inimu in butá kon dotá in pomukaan kon Ongkag in Yordan sin pogutunanmu. Táe tontaramu mita in musti kodia-dia in sonjata bo ḷumoḷan kon Ongkag in Yordan umuna kon suku mita Israel ibanea.

ULANGAN 9:1

“Indongogai Utat mita! Singgai naa moiko ḷumoḷandon kon Ongkag in Yordan sin mayá ḻimitú kon butá in bangusa mita inta moḷobe-ḷoben bo moropo-ropot nongkon i monimu. Kotá mita monia mongoḷoben bo dininding nodapot in ḷangit.

YOSUA 1:10

Dá ki Yosua nomarentadon kon itoi mita in umat Israel

YOSUA 1:2

Guman-Nea, “Mogogundoi-Ku ki Musa minatoidon. Dá tanaa iko takin bayongan in umat Israel posadiadon ḷumoḷan kon Ongkag in Yordan, bo mayá tumuot kon butá inta ogoi-Ku kon i monia.

YOSUA 3:2

Naonda in singgaidon noginggopat, itoi mita noḻibudon kon bayongan pinononḷoḷaigan,