YOSUA 1:1 - Alkitab Singog In Mongondow Masa In Tanaa

¹ Naonda in ki Musa, mogogundoi i Tuhan tua minatoi, ki Tuhan noguman kon i Yosua adí i Nun inta bobantung i Musa.

YOSUA 1:1 Iomraidhean Croise

DATU MITA IMITÁNEA 19:16

Aidai doman in natua kon i Yehu ki adí i Nimsi, sinbá mobaḻí in sia datu in Israel, bo kon i Elisa ki adí i Sapat nongkon Abel-Mehola, sinbá sia in mobaḻí nabi monoḻiu kon inimu.

DATU MITA 2 3:11

Ki Datu Yosapat in noḻibó, “Diá degá in nabi kon naa inta motaau moḻibó kon i Tuhan mongo onu in musti aidan naton?” Porwira tobatú inta nongkon tontara i Datu Yoram in notubag, “Oyúon in ki Elisa ki adí i Sapat! Dungkuḷmai sia tua in mobobantung i Elia.”

NEHEMIA 8:17

Bayongan in rayat inta ain nobui nongkon pinoḷumbúan tatua in nogaid kon ḷuḷung mita tatua, bo nogutunpa kon tua. Naadon in dungkuḷ totok pinogaidan kon ná tatua pinangkoipamai kon i Yosua ki adí i Nun, dá komintandon nopia in gina bo noḷunganga.

IḶUAIAN 24:13

Ki Musa bo ki Yosua oḻitnea tatua noposadiadon, bo ki Musa in notakod kon buḷud pinogutunan i Tuhan tatua.

PINOGIAPAN 11:28

Ki Yosua adí i Nun, inta ain nobantung kon i Musa nongkon noguodpamai, noguman kon i Musa, “Pokigogaiaidon in mosia, Amá!”

PINOGIAPAN 12:7

Táe diábí natua in kon i Musa mogogundoi-Ku tua. Sia tuata in intau inta motoindudui totok kon sigad in bayongan umat-Ku.

PINOGIAPAN 13:16

Tuata in intau mita mononoimata inta pinotabá i Musa monaridi kon butá tatua. Ki Hosea adí i Nun binaḷuaian i Musa in tangoinea ki Yosua.

LUKAS 16:10

Intau inta motaau pirisayaan pokiaidan in oaidan mointok, yo sia in motaau doman pirisayaan pokiaidan in oaidan moḷoben. Táe intau inta diá motaau pirisayaan pokiaidan in oaidan mointok, yo sia in diá doman motaau pirisayaan pokiaidan in oaidan moḷoben.

OUMAN IN RASUL MITA 7:45

Kon singgai noiduduimai tampat tatua dinia in mogoguyang naton kon wakutu in mosia kotaki-takin i Yosua minayá nogagow kon butá naton naa nongkon kawasa in bangusa mita inta sinokountun i Allah kon tayowonmai monia. Ḷoḷaigan tatua nonahang kon tua nodapot in kon sempo i Daud.

SURAT I PAULUS KON JAMAAT RUM 1:1

Utatku mita kon Rum inta kinotabi i Allah bo inta ain piniḻí-Nea sin baḻíondon umat-Nea. Akuoi in piniḻídon i Allah bo ain binaḻí-Nea intau inta mopotaau in Habar Mopia nongkon i-Nia.

ULANGAN 1:38

Táe irigonai in gina in bobantungmu, ki Yosua adí i Nun. Sia tuata in modia kon intau in Israel mogagow kon butá tatua.’

ULANGAN 31:23

Onda intua ki Tuhan noguman kon i Yosua, adí i Nun, kai-Nia, “Korigon in gina bo kobarani in iko, Yosua! Iko in modia kon bangusa Israel tumuot kon butá inta pinodandi-Ku kon i monia, bo akuoi in motuḷung kon i monia.”

ULANGAN 31:3

Ki Tuhan Allahmu tontaní in mayá kon munamu bo moyopú kon bangusa mita inta nogutun kon tua, dá moiko in mokoḻitúdon kon butá monia. Ki Yosua in mobaḻí itoimu, ná inta pinoguman i Tuhan.

ULANGAN 33:1

Kon dodai in diápa minatoi, ki Musa, totabá i Allah, nomarakat kon bangusa Israel pinongin tosingogon mita tanaa:

ULANGAN 34:12

Diá in momia kon oaidan mita inta motoyang bo inta mokoondok ná inta pinomia i Musa kon tayowon in bayongan bangusa israel.

ULANGAN 34:5

Bo minatoidon in ki Musa inta mogogundoi i Tuhan tua kon butá in Moab, ná inta munadon pinoguman i Tuhan.

ULANGAN 34:9

Ki Tuhan in nobogoi kon i Yosua ki adí i Nun in kabijaksanaan sin sia in piniḻídon i Musa monoḻiu kon inia. Bangusa Israel motoindudui kon i Yosua bo nopobayá in parenta mita inta inogoi i Tuhan kon i monia pinongin i Musa.

TITUS 1:1

Titus adíku! Akuoi, ki Paulus in nomais kon surat tanaa saḷaku mogogaid kon oaidan i Allah bo rasul i Yesus Kristus. Akuoi in piniḻí bo pinotabá sinbá motuḷung kon intau mita inta ain piniḻí i Allah sinbá umuran morigon in pirisaya monia kon i Tuhan Yesus. Bo mustibí umuranku tundúon in mosia sinbá totokdon in monotaau kon onu inta moitutui podudui in agama naton.

YAKOBUS 1:1

Utatku mita, bayongan in umat i Allah inta noibaya-bayá mako kon dunia! Akuoi ki Yakobus, mogogaid kon oaidan i Allah bo i Tuhan Yesus Kristus, mopoyaput in salam kon i monimu.

YOSUA 1:15

Musti in moiko motuḷung kon i monia modapot in mosia moiḻitú kon butá inta kon dotá in toyopan kon Ongkag in Yordan tanaa inta inogoi i Tuhan Allahmu kon i monia. Naonda in ki Tuhan nobogoi in kaadaan mopia kon bayongan in bangusa Israel, bain tua bo moiko motaau mobui kon butámu tontaní kon dotá in pomukaan kon Yordan tanaa, inta inogoi i Musa mogogundoi i Tuhan tatua kon inimu.”

YOSUA 1:2

Guman-Nea, “Mogogundoi-Ku ki Musa minatoidon. Dá tanaa iko takin bayongan in umat Israel posadiadon ḷumoḷan kon Ongkag in Yordan, bo mayá tumuot kon butá inta ogoi-Ku kon i monia.

YOSUA 12:6

Tuata in datu doyowa inta sinaḷow i Musa bo in intau in Israel. Butá in datu mita tatua inogoi i Musa, mogogundoi i Tuhan, kon suku i Ruben, Gad, bo tongobotak in suku Manasye, sin mobaḻí butá kapunyaan monia.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.