YOHANES 1 3:12 - Alkitab Singog In Mongondow Masa In Tanaa

¹² Donaaibí in kita ná ki Kain, inta nobaḻí ki adí in Ibilis bo noḻimodon kon i utatnea tontaní. Nongonu sin ki Kain in noḻimodbí kon i utatnea? Popisíbí in soaḷ mita inta pinomianea in nongoitaḷá, táe soaḷ mita inta pinomia i ai-ainea in noitutui.

YOHANES 1 3:12 Iomraidhean Croise

KINOBAḺIAN 4:25

Ki Adam bo ki buḷoinea bui nokouḻí kon adí ḷoḷaki. Guman i Hawa, “Ki Allah aindon nobogoi bui kon inakó in adí ḷoḷaki tobatú nobaḻí toḻiu i Habel, inta ain iḻimod i Kain.” Tuamai sinangoian i Hawa in adí tatua ki Set.

SAMUEL 2 13:22

Sinagú totok i Absalom kon gina in yaat in ginanea kon i Amnon bo doídon in sia mongonguman takinnea popisí in sia ain nodomok kon i Tamar inta ki ai-ainea.

MAZMUR 37:12

Intau moraat in monomayábí kon inta moraat kon intau mopia, bo mobobui kon inia takin yaat in gina.

MAZMUR 38:20

Intau mita inta nosaturu kon inakó in nobayong bo moropot, mosia in doí kon kobobiagku.

AMSAL 27:4

Torú tua in moromú bo mokorimumud, táe tumayow kon intoi ki ine in mokoigon?

AMSAL 29:10

Intau inta motuḻid in gina kinodoí in intau moḷoḻimod, táe iḷukadanbí in intau inta mopia.

AMSAL 29:27

Intau mopia in diábí mopia in ginanea kon intau moraat; intau moraat in doíbí kon intau mopia.

MATIUS 13:19

Batoḷ inta noḷabú kon daḷan tua mangaḻenea in intau inta nokodongog kon Pirman kon naonda in ki Allah momarenta, táe diá kinomangaḻean monia. Kon tua namangoidon in Ibilis bo nogagow kon inta ain inambor kon bonu in gina monia.

MATIUS 13:38

Gobá tua in dunia. Bibit tatua in intau mita inta ain nobaḻí umat i Allah. Yo padang tatua in intau mita inta diá mopia.

MATIUS 23:35

Tuamai, moiko in motanggung kon oaid monimu inta moḷoḻimod kon intau mita inta diá kotaḷá, pinangkoipamai kon i Habel intau inta mopia tua, modapot kon i Zakharia ki adí i Berekhya, inta iḻimod monimu kon sigad in tampat mokudus bo meja pototuduan kon sosumba.

MATIUS 27:23

Sia in bui noḻibó, “Táe oaid moraat naonda inta aindon inaidan-Nea?” Táe mosia in kopiadon momaḷú in moguman, “Popopakú in Sia kon kayu pinoyotaḻempang!”

MATIUS 5:37

Aka totuu, yo poguman kon ‘totuu’, bo aka diá, yo poguman doman ‘diá’ – sin onu in noiḻiu kon tua yo nongkon inta moraatbí.”

LUKAS 11:51

pinangkoipa kon pinoḻimodan kon i Habel nodapot in pinoḻimodan kon i Zakharia inta iḻimod, kon sigad in meja pobobogoian kon sosumba bo Baḷoi Tuhan. Popirisayabí: Intau mita masa naa pastibí kon hukumon sin popisí in oaid mita tatua.

YOHANES 10:32

Táe ki Yesus in noguman kon i monia, “Moiko ain nokoontong kon i-Nakó nogaid kon nobayong in oaidan inta mopia, inta pinoki aid i Amá kon i-Nakó. Nongkon oaidan mita tatua, onda in baḻíon monimu dodoyonan poganduran kon i-Nakó?”

YOHANES 8:40

Akuoi in mopotaau in onu in totuu kon inimu inta ain dinongog-Ku nongkon i Allah, táe ḷongasion monimu ḻimodon in Akuoi. Ki Abraham in diábí mogaid kon natua!

YOHANES 8:41

Moiko in mogaidbí kon onu inaidan i amá monimu tontaní.” Táe mosia in notubag, “Kami naa in deemanbí adí kon boyot. Ki Amá nami in tongábí tobatú, Sia tua in ki Allah tontaní.”

OUMAN IN RASUL MITA 7:52

Eta oyúon nabi in diá pinogutú in mogoguyangmu mita? Sinbá kotaauan monimu, nodait monia iḻimod in totabá mita i Allah koḻipod, inta namangoi sin mopotaau in koangoian in Simpaḷ i Allah inta totok in mobanar, inta aindon doman irupa-rupamai monimu poḷat iḻimod.

TESALONIKA 1 2:14

Bayongan ginaḷum jamaat i Allah, onu inta kinorasaan monimu, kinorasaanbí doman in jamaat mita i Allah inta kon Yudea inta nopirisaya domandon kon i Kristus Yesus. Moiko in pinogutú doman in yobayat mita monimu tongoḻipúan, naonda bo inta kinorasaan in jamaat mita i Allah kon Yudea. Mosia in pinogutú doman in intau mita Yahudi.

IBRANI 11:4

Popisí in oyúon in pirisaya, dá ki Habel in noposumba kon i Allah in kuruban inta mopia-pia nongkon onu inta pinosumba i Kain. Popisí doman in pirisayanea tatua, dá ki Habel in sinarima i Allah saḷaku intau inta mopia, bo tua in noniatadon kon sosumbanea in sinarima i Allah. Bo popisí in pirisayanea, dá sia in nosingogpabí umpaka minatoidon.

IBRANI 12:24

Moiko in namangoi sinumayow kon i Yesus, tonsigad in dodandian inta mobagu tua; moiko in sinumayow kon dugú pinomisik inta nojamin kon soaḷ mita inta mopia-pia nongkon onu inta jinamin in dugú i Habel.

PETRUS 1 4:4

Tuamai intau mita inta diá nonotaau kon i Tuhan, noherang sin moiko in nobiagbí ná kobobiag monia, inta umuran mogaid kon dosa in pomuḷoi mako. Manangka intua mosia in moningkuḻe kon i monimu.

YOHANES 1 3:8

Táe intau inta umuran mogaid kon dosa, mosia tua in ki adí mita in Ibilis, sin Ibilis tua in nongkon pinomangkoianpabímai umuran nogaid kon dosa. Tuabí in mangaḻe inangoian i Adí Allah, Sia in morimumud kon oaidan mita in Ibilis.

YUDAS 1:11

Mobodito in mosia! Mosia in dinumuduidon kon onu inta inaidan i Kain. Inta tongá popisí in bá mokouḻí kon doit, dá nogaidon kon onu inta diá kinoibog i Allah, ná doman ki Bileam. Bo mosia tua in irimumud doman popisí in nomarontak ná ki Korah.

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.