YOHANES 1 1:3 - Alkitab Singog In Mongondow Masa In Tanaa

³ Onu inta ain inontong bo dinongog nami, tuabí doman in potaau nami kon i monimu, sinbá moiko in motobatú domandon nami bo motobatú domandon i Amá bo i Kristus ki Adí-Nea.

YOHANES 1 1:3 Iomraidhean Croise

AYUB 13:1

Bayongan intua nokoimontandon inontong bo dinongogku tontaní, bo totu-totuubí kinomangaḻeanku.

MAZMUR 2:7

Guman i datu, “Akuoi in moibog mopotaau in onu inta ain sinantú i Tuhan. Guman-Nea kon inakó, ‘Iko in ki adí-Ku ḷoḷaki, singgai in naa Akuoi in nobaḻí ki Amámu.

MAZMUR 22:22

Akuoi in diádon mokopongonu, poḷuatdon in akuoi nongkon tungoi in bantong bo nongkon tunggi in singa.

YESAYA 66:19

Akuoi in mopoukatdon in tomponuot tobatú kon yua-yuak monia. Tongosilai moyakag kon sigad monia in posaḷamaton-Ku. Mosia in potabá-Ku mayá kon bangusa mita kon butá mita inta moyayú inta diápa kon dodai in onda in nokodongog kon soaḷ Akuoi andeka nokoontong kon kamuliaan bo kawasa-Ku; mayá in Spanyol, Libia, bo Lidia takin momomiot mita inta mongotaná, minayá in Tubal bo Yunani. Mosia in mopohabar in koḷoḷoben in kawasa-Ku kon sigad in bangusa mita tatua.

PINOGIAPAN 10:32

Aka iko dumudui, dá bayongan inta mopia inta inaidan i Tuhan kon inami, in pomiaan nami doman kon inimu.”

YOHANES 17:11

Akuoi in mamangoidon kon inimu in tanaa. Diá bidon in Akuoi mogutun kon dunia naa, táe mosia in umuranpabí kon dunia naa. Amá inta motusi! Ḷukadaipa in mosia takin kawasa in tangoi-Mu. Tangoi inta ain inogoi-Mu kon i-Nakó – sinbá mosia in motobatúdon ná kitada.

YOHANES 17:21

Akuoi in mopoigum Amá sinbá mosia komintan in motobatúdon, ná ki Amá notobatú takin-Ku bo Akuoi in notobatú doman i Amá; sinbá mosia in motobatú doman takin Naton sinbá dunia in mopirisaya kon Ikobí inta ain nopotabá kon i-Nakó.

YOHANES 17:25

Amá inta moadil! Diá kinotaauan in dunia naa in ki Amá, táe Akuoi in nonotaaubí kon i Amá bo intau mita tanaa in nonotaau bidon kon ki Amábí in nopotabá kon i-Nakó.

YOHANES 17:3

Nanaa in kobiagan mononoi tua; ibogon tua bayongan intau in monotaau kon i Amá inta tongábí Sia tua in ki Allah inta mobanar, bo monotaau doman kon i Yesus Kristus inta pinotabá i Amá.

YOHANES 19:35

Intaubí inta ain nokoontong tontaní kon onu inta ain nobaḻí tatua in nopotaau kon soaḷ tatua, sinbá moiko in mopirisaya doman. Bo onu inta pinotaaunea tatua in totuubí, bo kinotaauannea kon totuubí intua.

OUMAN IN RASUL MITA 13:32

Tuamai tanaa mako kami in mopoyaput in Habar Mopia kon i monimu: Kon onu inta aindon pinodandi i Allah kon mogoguyang naton,

OUMAN IN RASUL MITA 13:41

‘Tarukira totok kopira, ei moiko intau mita inta mosingkuḻe! Moherangbí in moiko, bodongka matoi! Sin kon masa in tanaa Akuoi in mogaid kon oaidan inta diábí pirisayaan monimu, umpakabí oyúon intau in mopomangaḻe kon inimu.’ ”

OUMAN IN RASUL MITA 2:42

Mosia morajing totok in mokidongog kon onu in sinundú in rasul mita tatua bo umuran moyosipun moyotakin mongaan bo mosambayang.

OUMAN IN RASUL MITA 20:27

Sin diábí kon dodai in onda in akuoi moḷagui mopohabar in bayongan tomayá i Allah kon i monimu komintan, sin tuabí in oaidanku.

OUMAN IN RASUL MITA 4:20

Sin diábí motaau in kami in mogogai mopotaau kon onu inta ain inontong bo dinongog nami tontaní.”

SURAT I PAULUS KON JAMAAT RUM 15:27

Totokbí in nosanang in gina monia in nonantú kon mobogoi in totuḷung tatua. Totuubí kon patusbí in mosia motuḷung kon utat mita inta bogá kon Yerusalem tua; sin nongkon intaubí mita in Yahudi tatuata sahingga intau mita inta deeman Yahudi notarimadon kon barakat mita nongkon i Allah. Dá tuamai intau mita inta deeman Yahudi tua in patusbí doman motuḷung mobogoi in barakat inta koontongan tua kon intau mita in Yahudi.

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

KORINTUS 1 1:9

Ki Allah nogoiní kon i monimu sinbá moiko motobatúdon i Adí-Nea ki Yesus Kristus, Tuhan naton. Bo Siabí doman tua inta tantú mobogoi kon onu inta ain pinodandi-Nea.

KORINTUS 1 15:1

Utat mita, tanaa mako akuoi in bui moponorop kon i monimu in Habar Mopia inta nongkon i Allah inta ain pinotaauku koḻipod bo sinarimadon monimu, sahingga in nopirisayadon totok kon i Kristus in moiko.

EPESUS 3:6

Naabí inta noibuni tatua: Pinongin Habar Mopia tatua, intau deeman Yahudi in moitakin domandon mokorasa kon barakat mita i Allah inta koḻipod tongá sinadia kon intau mita in Yahudi. Intau mita inta deeman Yahudi in nobaḻídon toawakan in awak inta tobatú tua, bo moitakin doman motarima kon onu inta pinodandi i Allah pinongin i Kristus Yesus.

PILIPI 1:7

Totuubí kon diábí moitaḷá in raianku tanaa kon i monimu, sin moiko umuran kon gina-ginaku mako, popisí in moiko ain nokouḻí domandon kon totabi bo barakat i Allah inta inogoi kon inakó; kon tungkuḷ in akuoi kon bonupa in ponjara tanaa mako ande kon tungkuḷ in kon ḷuaidon mobela kon kinobobanar in Habar Mopia tatua.

PILIPI 2:1

Moiko in noropot, sin ain notobatú i Kristus. Diádon moajar in gina monimu sin ki Kristus in motabi kon i monimu! Bo Roho i Allah umuran kotaki-takin monimu, sahingga moiko tantúdon mototabian bo motabi doman kon tumpaḷa intau.

PILIPI 3:10

Soaḷ inta totok in kinoibogku in monotaaubí kon i Kristus bo mokoalami kon kawasa inta nokobiag kon i-Nia nongkon kinopatoian. Bo moibog doman in akuoi mokoalami kon roriga ná inta kinorasaan-Nea bo notongkai doman ná kopopatoi-Nea,

KOLOSE 1:13

Pinilatan-Neadon in kita nongkon kawasa inta nosindip bodongka pinamping kon bonu in dodatuan i Adí-Nea inta kinotabi-Nea.

TESALONIKA 1 1:10

Inouman doman monia in kososatia monimu in mogoḷat mako kon koangoian bui i Adí i Allah inta ki Yesus Kristus nongkon soroga. Sia inta ain biniag bui i Allah nongkon sigad in intau mita minatoi. Sia tuata inta moposaḷamat kon i naton nongkon hukuman i Allah kon singgai moiduduimai.

IBRANI 2:12

Ki Yesus in noguman kon i Allah, “Popotaau-Kubí kon i utat-Ku mita in tangoi-Mu. Dayowon-Ku in Iko kon poyodungkuḷan monia.”

IBRANI 3:1

Utat mita tumpaḷa Keresten inta ain inoiní i Allah! Raika monimu koako-ako in soaḷ ki Yesus naa! Sia ain pinotabá mangoi i Allah sinbá mobaḻí Imang Moḷoben kon agama inta dinuduian naton.

IBRANI 3:14

Kita naa in komintanbí yobayat topogaidan i Kristus asaḷ bo tantú kumadai kon onu mita inta pinirisayadon naton nongkon pinomangkoianmai modapot kon kopaḷutan in dunia naa.

PETRUS 1 5:1

Naa in tongginaku mita kon itoi mita in jamaat i Allah inta kon sigad monimu. Akuoi in nomais tanaa saḷakubí yobayat topogaidan in itoi mita in jamaat bo saḷaku intau inta ain nokoontong tontaní kon roriga i Kristus, bo inta moitakin doman kon kamuliaan inta popoontong i Kristus kon intau kon singgai moiduduimai. Poigumonku totok

PETRUS 2 1:16

Kon wakutu in kami nopotaau kon inimu kon naonda in komomulia in koangoian i Tuhan naton ki Yesus Kristus, tua in inouman nami deemanbí tongá pinodoyon kon ouman mita in intau inta diá in mangaḻenea. Táe kamuliaan i Kristus tatua ain bidon inontong in mata nami tontaní.

YOHANES 1 1:1

Tombonu in surat tanaa in soaḷbí Pirman inta mobogoi in kobiagan, Sia tua in Pirman inta koyongan bidon oyúon nongkon pinomangkoianpamai. Pirman tatua ain inontong bo ain doman kinadaian nami tontaní.

YOHANES 1 1:5

Naadon in habar inta ain dinongog nami nongkon i Adí-Nea bo inta poyaput nami kon i monimu: Ki Allah tua in bayagbí, bo kon i-Nia diábí in sindip topiḻikpamai.

YOHANES 1 1:7

Táe aka kita in mobiag kon bonu in bayag ná ki Allah inta kon bonu doman in bayag, dá kita in mustibí mobiag modagin, motompia bo mositabian tobatú bo tobatú. Bo dugú i Yesus, ki Adí-Nea tua, mondarit kon i naton nongkon bayongan dosa.