YOHANES 9:2 - Alkitab Singog In Mongondow Masa In Tanaa

² Murí-Nea mita in noḻibó kon i Yesus, “Pak Guru, nongonu sin intau tanaa in pinolahirbí bilog? Popisí in dosa i ine intua dosanea tontaní andeka dosa i iná bo i amánea?”

YOHANES 9:2 Iomraidhean Croise

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

MATIUS 16:14

Tubag monia, “Oyúon in noguman ki Yohanes Mobobaptis. Oyúon doman in noguman ki Elia, bo oyúon in noguman ki Yeremia andeka tobatú nongkon nabi mita.”

MATIUS 23:7

Mosia in moibog doman totok horomaton kon pasar, bo moibog doman totok oiníon ki ‘Pak Guru’.

MATIUS 23:8

Tongá moiko in dika mokioiní ki ‘Pak Guru’, sin tongábí tobatú in Gurumu bo moiko komintan in ginaḷum.

LUKAS 13:2

Nokodongogmai kon natua, ki Yesus in noguman kon i monia, “Kai monimu kamai dá intaubí mita in Galilea inta iḻimod monia tua in mobayo-bayong in dosa nongkon intau mita in Galilea ibanea?

YOHANES 4:31

Dodai intua murí-Nea mita in nonongganutdon kon i Yesus nongaan. “Pak Guru,” kai monia, “Mongaandon.”

YOHANES 9:1

Wakutu in ki Yesus minayá, Sia in nokoontong kon intau bilog inta nongkon noilahirpamai.

YOHANES 9:34

Dá tubag monia kon inia, “Onu? Iko inta nopuḻing in dosa nongkon noilahirpamai, iko in moibog motundú kon inami?” Dá mulaidon singgai tuata sia in diádon inogoi monia sinumuot kon baḷoi pososambayangan.

OUMAN IN RASUL MITA 28:4

Naonda intau mita kon pulau tatua nokoontong kon uḷag tatua noibambé mako kon ḻima i Paulus, mosia in nosingo-singogan, “Intau tanaa pasti kon moḷoḻimodbí, sin umpaka nosaḷamatdon in sia nongkon bahaya kon dagat, táe ki Dewi inta Moadil in diábí mopomayá mako kon inia mobiag.”