YOHANES 9:12 - Alkitab Singog In Mongondow Masa In Tanaa

¹² Dá iḻibó monia, “Kon onda intau tatua?” Sia in notubag, “Diábí kinotaauanku.”

YOHANES 9:12 Iomraidhean Croise

YOHANES 7:11

Kon dodai in pinoramean tatua, itoi mita in Yahudi notayak kon i-Nia bo noḻibó magí mako, “Kon onda in Sia?”

YOHANES 9:11

Sia in notubag, “Intau inta ki Yesus in tangoi-Nea nogamá kon butá topiḻik bo nopoyokitog-Nea in duyá bodongka pinoḻepo-Nea kon mataku poḷat noguman kon inakó, ‘Bayádon kon tabang Siloam bo pongiamot.’ Bo minayá domandon in akuoi. Naonda in nongiamot in akuoi, yo nokoontongdon.”

YOHANES 9:13

Dodai intua singgai in Sabat wakutu in ki Yesus nopoyokitog in butá takin duyá-Nea sin pinongundam kon intau bilog tatua. Dá intau inta bagupa nokoontong tatua in dinia kon intau mita in Parisi.