YOHANES 8:5 - Alkitab Singog In Mongondow Masa In Tanaa

⁵ Bo kon hukum agama oyúon in atorang kon bobay ná tanaa in mustibí ara bo in batu dapot in matoi. Aka podudui in raian i Pak Guru yo naonda?”

YOHANES 8:5 Iomraidhean Croise

YEHEZKIEL 23:47

Biódon mako in mosia anduron in batu bo duduran in kedang. Biódon mako in ki adí mita monia in sibaton bo baḷoi mita monia in turubon.

IMAMAT 20:10

Aka intau Israel tobatú monuaḻing kon buḷoi in intau inta tobangusanea, dá sia bo bobay tatua in musti hukumon matoi.

MATIUS 1:19

Táe ki Yusup ki buḷoinea naa in intaubí inta motuḻid in gina dá doíbí in sia moporaatmai kon tangoi buḷoinea kon tayowon intau moantó sahingga naonda in nokotaaumai kon natua, niatonnea gaaton in ki Maria táe diábí potaa-taaunea mako kon intau mita ibanea.

MATIUS 5:17

“Donaaidon sangkaan monimu, kon Akuoi in mamangoi momopat kon hukum i Musa andeka buk mita in nabi. Akuoi in mamangoi deemanbí momopat kon tua, táe mogintompodbí.

YOHANES 8:4

bodongka noguman kon i Yesus, “Pak guru, bobay tanaa kinokadapatan nami koyogot nokituaḻing.