YOHANES 8:2 - Alkitab Singog In Mongondow Masa In Tanaa

² Nopoikoḷomai kon singgai, subupa Sia in minayádon bui in Baḷoi Tuhan, bo nobayong intau in namangoi kon i-Nia. Ki Yesus in iḻimitú bo nomangkoidon nobogoi in totundú kon i monia.

YOHANES 8:2 Iomraidhean Croise

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YEREMIA 25:3

“Kon bonu in doyowa nopuḷú bo toḷu notaong, pinangkoi kon taong impuḷú bo toḷúnea kon pinomarentaan i Yosia adí ḷoḷaki i Amon kon Yohuda, nodapot in singgai naa ki Tuhan in noguman kon inakó bo diábí kon dodai in onda in diá pinogumanku kon inimu onu inta ain pinoguman-Nea. Táe moiko in diá nopandungmai.

YEREMIA 32:33

Mosia in nonaḷámaidon kon i-Nakó bo umpakabí Akuoi tantú motundú kon i monia, mosia in doíbí mokidongog bo doí doman mosadar.

YEREMIA 44:4

Akuoi in tantúbí mopotabá mangoi in mogogundoi-Ku mita nabi mita, inta nogimaḷow kon i monia nogaid kon inta moraat inta kinodoí-Ku tua.

MATIUS 26:55

Wakutu intua ki Yesus nosingog kon intau moantó inta namangoi nodomok kon i-Nia, “Irai monimu degá Akuoi naa mononakowbí sahingga in moiko mamangoi kodia-dia in pitow bo bobobak bo modomok kon i-Nakó? Pomuḷoi in singgai Akuoi in ḻimitú mako kon Baḷoi Tuhan, bo motundú kon tua táe diábí dinomok monimu!

LUKAS 21:37

Aka singgai, ki Yesus in mobogoi in totundú kon bonu in Baḷoi Pososambayangan, táe aka doḷom yo sia in mayá in Buḷud Zaitun mogutun kon tua.

LUKAS 21:38

Pomuḷoi in doḷo-doḷom, intau in mamangoi in Baḷoi Pososambayangan sin mokidongog kon totundú mita i Yesus.

LUKAS 4:20

Nopaḷut mako binaca-Nea intua, iḻitod-Nea bui in buk tatua bo pinobui-Nea kon intau inta mogogaid kon baḷoi pososambayangan tatua, bodongka iḻimitú. Bayongan in intau inta kon bonu in Baḷoi Pososambayangan tatua inimindoi kon i-Nia.

LUKAS 5:3

Ki Yesus in sinumakoi kon uangga tobatú kon tua, sinakoian-Nea tua in uangga i Simon. Pinoki undud-Nea kon i Simon pinoyayú topí kon pintad bo iḻimitú in Sia kon bonu in uangga tatua bo nopoyaput in Habar Mopia kon intau moanto inta kon tua.

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.

YOHANES 8:20

Bayongan in tua siningog i Yesus wakutu in Sia yogot motundú kon bonu in Baḷoi Tuhan kon diugmai in kas pobobogoian kon doit sosumba. Táe diábí in tobatúmai intau nodomok kon i-Nia, sin deemanpabí wakutunea.

YOHANES 8:3

Dodai in Sia yogot motundú, mototundú mita kon agama Yahudi bo intau mita in Parisi nodia mangoi kon i Yesus kon tobatú bobay inta kinokadapatan nokituaḻing. Bobay tatua pinoki sindogan monia kon yuak,

OUMAN IN RASUL MITA 5:21

Dá rasul mita tatua in dinumudui kon koyow in malaekat tatua. Modiugpa mobayag in mosia minayá in Baḷoi Tuhan bo mulai notundú kon tua. Kon wakutu intua imang moḷoben bo dumoduduinea mita in namangoi bo nogaid kon sidang takin itoi mita intau in Yahudi. Onda intua binayá monia pinoki gamá in rasul mita tatua kon ponjara sin sidangon potayow kon i monia.