YOHANES 5:6 - Alkitab Singog In Mongondow Masa In Tanaa

⁶ Inontong i Yesus in Sia nosiug mako kon tua, bo kinotaauanbí i Yesus kon totokdon in noonggot in sia notakit, dá ki Yesus in noḻibó kon inia, “Moibog mopia in iko?”

YOHANES 5:6 Iomraidhean Croise

MAZMUR 142:3

Kon tayowon-Nea akuoi nogamui; pinotaauku in bayongan susaku kon i-Nia.

YESAYA 65:1

Ki Tuhan in noguman, “Akuoi in nosadiadon motubag kon umat-Ku, táe mosia in diábí nosambayang kon i-Nakó. Akuoi in moibogbí angoian monia, táe mosia in diábí notayak kon i-Nakó. Bangusa tatua in diábí nogoiní kon i-Nakó, umpaka Akuoi nosadiadon motubag: Naadon in Akuoi!

YEREMIA 13:27

Akuoi in nokoontongdon kon i monimu in nogaid kon inta kinodoí-Ku. Inontong-Kudon in ilah mita ibanea kon tombuḷudnea bo kon gobá, naonda bo ḷoḷaki tobatú mongibog totok kon i buḷoi bobay in intau ibanea andeka naonda bo kabaḷo koḷakian inta mongibog kon kabaḷo kobaayan. Ei intau in Yerusalem, moboditodon in moiko! Toonu degá in moiko in moiḷuat kon bayongan in inta moraat?”

LUKAS 18:41

“Onu in kon ibogmu aidan-Ku kon inimu?” Intau tatua in notubag, “Tuhan, moibog in akuoi mokoindoi!”

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

YOHANES 5:5

Kon tampat tatua oyúon doman in intau tobatú inta ain toḷu nopuḷú bowaḷu notaong in notakit.

YOHANES 5:7

Intau notakit tatua in notubag, “Amá, diá in intau kon naa in mopoponag kon inakó kon tabang aka moḻimbok in tubignea. Bo pomuḷoi in akuoi moramuji mopobayá in tabang tatua, umuran kounaan in intau ibanea.”

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!