YOHANES 5:5 - Alkitab Singog In Mongondow Masa In Tanaa

⁵ Kon tampat tatua oyúon doman in intau tobatú inta ain toḷu nopuḷú bowaḷu notaong in notakit.

YOHANES 5:5 Iomraidhean Croise

MARKUS 9:21

Ki Yesus in noḻibó kon i amá in adí tatua, “Dodaipa onda in sia nanaa?” “Nongkon mointokanpamai!” tubag i amánea tua.

LUKAS 13:16

Kon naa oyúon in bobay inta mopuḷúdon bowaḷu notaong in umuran kinokodan mako in Ibilis. Ibilis tatua musti inggamáan nongkon inia. Sin sia tua in buíbí doman i Abraham?”

LUKAS 8:43

Bo kon sigad in intau moantó tatua, oyúon in tobatú bobay inta aindon mopuḷú bodoyowá notaong notakit sinoḷoganmai in dugú, bo diá tobatúmai in mokopia kon takitnea tatua.

YOHANES 5:14

Noiduduimai kon tua, ki Yesus in bui noyodungkuḷ in intau tatua kon bonu in Baḷoi Tuhan, bo ki Yesus in noguman kon inia: “Pokotoropdon, nopiadon iko in tanaa. Dikadon bui mogaid kon dosa, sinbá diá koantugan bui in inta moraa-raat.”

YOHANES 5:4

Sin oyúon inta moiangoi in malaekat i Tuhan moponag kon tabang tatua bo moḻimbok kon tubignea. Bo intau motakit inta muna ḷumabú kon tabang tatua wakutu in moḻimbok, mopia onukabí in takitnea.]

YOHANES 5:6

Inontong i Yesus in Sia nosiug mako kon tua, bo kinotaauanbí i Yesus kon totokdon in noonggot in sia notakit, dá ki Yesus in noḻibó kon inia, “Moibog mopia in iko?”

YOHANES 9:1

Wakutu in ki Yesus minayá, Sia in nokoontong kon intau bilog inta nongkon noilahirpamai.

YOHANES 9:21

Táe aka soaḷ sia nokoindoidon nion, yo diábí kinotaauan nami. Ḻibódon kon inia tontaní, sin noguyang bidon in sia; motaau bidon motubag tontaní.”

OUMAN IN RASUL MITA 14:8

Kon Listra oyúon in ḷoḷaki tobatú inta sioḷnea noḻempeng nongkon noilahirpamai, sahingga in sia diá kon dodai in onda in nokobayá, sin totuu moḻemé in sioḷnea.

OUMAN IN RASUL MITA 3:2

Kon tua oyúon in tobatú ḷoḷaki inta ḻempeng nongkon noilahirpamai. Pomuḷoi in singgai umuran in sia buḻigan intau pobayá in diugmai in ngara in Baḷoi Tuhan, ngara tatua sinangoian “Ngara mogaga”. sia in dinia minayá intua sin mopoigum in totabi kon intau mita inta tumuot kon Baḷoi Tuhan tatua.

OUMAN IN RASUL MITA 4:22

Sin intau inta inundaman tatua umurnea aindon noiḻiu kon opat nopuḷú notaong.

OUMAN IN RASUL MITA 9:33

Kon tua in sia noyodungkuḷ i Eneas, intau inta ain waḷu notaong noitosiug mako sin diádon mokobayá.