YOHANES 5:3 - Alkitab Singog In Mongondow Masa In Tanaa

³ Kon tampat pobobarasanangan mita tatua nobayong in intau mita mototakit inta mosiug mako; oyúon in bilog, oyúon in pelong, oyúon in ḻempeng. [Mosia tua in komintan mogoḷat mako kon koḻimbokan in tubig in tabang tatua.

YOHANES 5:3 Iomraidhean Croise

DATU MITA IMITÁNEA 13:4

Kon dodai in kinodongogan i Yerobeam in tosingogon mita tatua, sinundúnea in nabi tatua bo nomaḷú, “Domok in intau tatua!” Táe kokaḷ i Yerobeam daḻídon notorondó dá diádon motaaunea okúon.

AMSAL 8:34

Pia in kamang in intau inta mokidongog kon inakó inta pomuḷoi in singgai ḻimitú mogoḷat mako kon ngara in baḷoiku, bo umuran moḷukad kon bonawang in pinogutunanku.

OMBAḶ 3:26

Dá, biódon mako mogoḷat in kita takin gina moodom modapot in ki Tuhan mamangoi motuḷung;

ZAKHARIA 11:17

Kinutukdon totok in gombala inta diá baraguna tatua! Sia in nonaḷámaidon kon paanan in dombanea. Parang in mogimpaḷut kon kawasanea. Kokaḷnea in moḻemédon bo mata koḷanannea in mobilogdon.”

MATIUS 15:30

Bo intau mita nodia mangoi kon i-Nia kon intau mita inta pelong, inta ḻempeng, inta bilog, inta bobó, bo takit mita ibanea. Inangoi monia inukat kon tayowonmai i Yesus bo komintan inundaman-Nea in mosia sahingga in nodait nopia.

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

LUKAS 7:22

Dá ki Yesus in noguman kon dumodudui i Yohanes tatua, “Bayádon bui kon i Yohanes bo oumandon onu inta ain inontong bo dinongog monimu: intau bilog mokoontong, intau ḻempeng mokobayá, inta pinanyaki kuḻit mokorongó mopia, intau bongoḷ mokodongog, intau matoi mobiag, intau bogá pinopoyaputan in Habar Mopia.

YOHANES 5:2

Kon Yerusalem kon diug in tampat inta sinangoian “Ngara in Domba” oyúon in tobatú tabang, inta aka kon bonu in bahasa Ibrani sinangoian Betesda. Kon tua ḻima in tampat pobobarasanangan.

YOHANES 5:4

Sin oyúon inta moiangoi in malaekat i Tuhan moponag kon tabang tatua bo moḻimbok kon tubignea. Bo intau motakit inta muna ḷumabú kon tabang tatua wakutu in moḻimbok, mopia onukabí in takitnea.]

SURAT I PAULUS KON JAMAAT RUM 8:25

Táe aka kita in moharap mako kon onu inta diá inontong naton, dá mosabarbí in kita mogoḷat.

YAKOBUS 5:7

Tuamai, posabardon utatku mita, dapot in ki Tuhan mamangoi. Indoiaidon naonda in kososabar in intau monononggobá in mogoḷat modapot in butánea mobogoi in hasil inta mobogoi in kauntungan kon inia. Umuran mosabar in sia in mogoḷat kon uyan kon sempo in kototakan bo uyan sempo in pononobur.