YOHANES 5:16 - Alkitab Singog In Mongondow Masa In Tanaa

¹⁶ Dá tuamai, mosia in mulaidon moḷongasi momogutú kon i Yesus, sin Sia monon oaidan kon singgai in Sabat.

YOHANES 5:16 Iomraidhean Croise

MATIUS 12:13

Bo ki Yesus in noguman kon intau tatua, “Tonggódon in ḻimamu!” Dá sinonggódon in intau tatua in ḻimanea, bo poḷatdon nopia. Ḻimanea tatua in nobaḻí ná ḻimanea tosimpaḷ.

MARKUS 3:6

Dá intau mita in Parisi nonaḷámaidon kon baḷoi pososambayangan tatua, bo minayá noyosingog takin intau mita i Herodes, kon naonda in poḷoḻimod kon i Yesus.

LUKAS 6:11

Táe intau mita in Parisi bo mototundú mita kon agama sinumorú totok kon i Yesus, dá nomangkoidon in mosia noyosingog mongo onu in aidan monia kon i Yesus.

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

YOHANES 10:39

Buidon doman ramujion domokon monia in ki Yesus, táe diápa doman kinodomokan monia.

YOHANES 15:20

Toropdon onu inta ain pinoguman-Ku kon i monimu, ‘Ata in diábí moḷobe-ḷoben nongkon i tuangnea.’ Dá aka mosia in nomogutúdon kon i-Nakó, yo mosia in momogutúbí doman kon i monimu. Aka mosia dumuduidon kon totundú-Ku, yo mosia in dumuduibí doman kon onu inta tundúonmu.

YOHANES 5:10

Tuamai itoi mita intau Yahudi in noguman kon intau inta bagu nopia tatua, “Singgai naa singgai in Sabat, tuamai iko in diábí motaau mobingkat kon boḷadmu.”

YOHANES 5:13

Táe diá kinotaauan in intau inta bagu inundaman tatua mongo ki ine in nopotabá kon inia tua, sin ki Yesus in minayádon bo kinooḻingoiandon in intau mobarong kon tua.

YOHANES 5:15

Dá iḷumuaidon intau tatua bo noguman kon pongawasa mita in Yahudi kon ki Yesusbí in intau inta nokopia kon inia.

YOHANES 5:17

Táe ki Yesus in noguman kon i monia, “Ki Amá-Ku in umuranbí mogaid umaai in tanaa mako, dá Akuoi in mogaidbí doman.”

YOHANES 5:18

Singog-Nea mita tatua in nokodugangdon kon ibog monia moḷongasi moḻimod kon i-Nia. Mosia in nonomayá kon tua deemandon tongá popisí in Sia noḷawang kon atorang agama soaḷ singgai in Sabat; táe popisíbí doman in Sia noguman kon ki Allah tua in ki Amá-Nea; mangaḻenea kon tua Sia in mokipotongkaidon kon i Allah.

YOHANES 7:21

Ki Yesus in notubag, “Tongá tobatú in oaidan pinomia-Ku bo moherang in moiko.

YOHANES 7:25

Noiduduimai kon tua, degá tongonumai intau in Yerusalem in noguman, “Sia naa degá inta taya-tayakonmai in intau sin ḻimodon?