YOHANES 4:53 - Alkitab Singog In Mongondow Masa In Tanaa

⁵³ Bo kinotoropandon in pogawai in komaḻig tatua kon jam natuata in ki Yesus in noguman kon inia: “Nopia bidon in ki adímu.” Dá sia takin tombonu in baḷoinea komintandon nopirisaya kon i Yesus.

YOHANES 4:53 Iomraidhean Croise

MAZMUR 107:20

Sia in nongundam kon i monia pinodoyon kon parenta-Nea, bo nopoḷagui kon i monia nongkon bubú in poḷoḷobongan.

MAZMUR 33:9

Sin Sia in nosingog, bo bayongan yagi-yagi binaḻí; Sia in nomarenta, dá bayongan yagi-yagi nooyúon.

MATIUS 8:13

Nopaḷut mako nosingog kon tua, ki Yesus in noguman kon porwira tatua, “Pobuidon, onu inta pinirisayamu tatua in mobaḻí bidon kon inimu.” Dá kon dodaipa doman tatua bobantungnea nopia.

LUKAS 19:9

Bo ki Yesus in noguman kon inia, “Singgaipa doman naa moiko motoḷuadí pinosaḷamat i Allah bo inogoian in kobiagan mobagu, sin iko nion in ki adíbí doman i Abraham.

YOHANES 4:51

Kon daḷanpa, bobantungnea mita in nonontomudon kon inia bo noguman, “Ki adí i Tuang in nopiadon.”

YOHANES 4:52

Dá iḻibóneadon kon i monia mongo jam tongonu nopia in ki adínea. Tubag monia, “Koḷabung, degá jam imitánea singgai bo noinggamá in patúnea.”

OUMAN IN RASUL MITA 11:14

Sin sia in mopotaau kon inimu in Habar Mopia inta mokosaḷamat kon inimu bo mokosaḷamat doman kon bayongan in ginaḷummu.’

OUMAN IN RASUL MITA 16:15

Dá mosia tobaḷoian in nodait binaptis. Naonda in nopaḷut binaptis, inoinínea in kami poḷat noguman in sia, “Aka rasaanmai i utat mita kon akuoi in totu-totuu bidon mopirisaya kon i Tuhan Yesus, dá koḻigai mongandupa kon baḷoiku.” Totoknea in pakisaan sinbá duduianpa nami in oigumnea tatua.

OUMAN IN RASUL MITA 16:34

Noiduduimai kon tua itoi in ponjara tatua nodia kon i Paulus bo kon i Silas minayá in baḷoinea bo mosia in inoḷudan in kaanon. Sia takin bayongan koluarganea totok nopia in gina monia sin mosia tanaa nopirisaya kon i Allah.

OUMAN IN RASUL MITA 18:8

Táe ki Krispus, itoi in baḷoi pososambayangan bo takin bayongan ginaḷumnea mita, komintan nopirisaya kon i Tuhan Yesus. Bo nobayong doman in intau mita in Korintus ibanea in nokodongog kon habar inta pinotaau i Paulus in nobaḻí nopirisaya kon i Yesus poḷat binaptis.

OUMAN IN RASUL MITA 2:39

Sin moikobí bo ki adímu mita bo bayongan in intau inta kon tampat nongoyayú – tuatabí mita in intau inta inoiní i Tuhan sinbá mamangoi kon i-Nia, tuabí in pinopomakusudan in dandi i Allah tatua.”