YOHANES 4:42 - Alkitab Singog In Mongondow Masa In Tanaa

⁴² Mosia in noguman kon bobay tatua, “Mopirisayadon in kami in tanaa, deeman bidon tongá popisí in onu inta inoumanmu kon inami, táe kami in nokodongogdon tontaní kon tosingogon-Nea. Bo kinotaauandon nami kon Sia tua in totuubí Mopoposaḷamat in dunia.”

YOHANES 4:42 Iomraidhean Croise

YESAYA 45:22

Ei, bayongan intau kon dunia, angoidon kon i-Nakó sinbá moiko in posaḷamaton, sin tongábí Akuoi in Allah, diábí in ibanea!

YESAYA 52:10

Ki Tuhan in nopoontong in kawasa-Nea kon tayowon in mata in bayongan intau. Dá bayongan butá in mokoontongdon kon kasaḷamatan nongkon i Allah naton.

MATIUS 1:21

Sia in mopononggadí in adí ḷoḷaki bo Sia tangoianmu ki Yesus, sin Sia tuata inta moposaḷamat kon umat mita baradosa.”

LUKAS 2:32

sia naonda bo bayag inta nonimbayag kon daḷan in intau mita ibanea, sinbá mosia in mamangoi kon ini-Mu; tuata in bayag inta mobaḻí dodoyonan poduían kon umat-Mu Israel.”

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

YOHANES 11:17

Naonda in ki Yesus nodapotdon kon ḻipú inta pinogutunan i Lazarus, Ki Lazarus in koyongandon opat nosinggai in iḷobong.

YOHANES 17:8

Pinotaau-Kudon kon i monia in singog inta inogoi i Amá kon i-Nakó; bo sinarimadon monia. Kinotaauan monia kon Akuoi in totu-totuubí namangoi nongkon i Amá bo mosia in mopirisayabí kon ki Amábí in nopotabá kon i-Nakó.

YOHANES 4:29

kai-nia “Koḻigai, mayá in kita moindoi kon intau inta nopotaau kon inakó kon bayongan inta ain pinomiaku. Degá bo Siabí tua in Datu Mopoposaḷamat?”

YOHANES 4:41

Bo nodugangdon nobayong in intau nopirisaya kon i Yesus sin nokodongogdon tontaní kon totundú-Nea.

OUMAN IN RASUL MITA 13:23

Nongkon buí i Daud tuata, podudui in dandi-Nea, Sia in moposadia in tobatú Datu Mopoposaḷamat kon bayongan in intau Israel, dá Sia tuata in ki Yesus.

OUMAN IN RASUL MITA 4:12

Diábí in kasaḷamatan kon ibanea mako koḻikudbí in kon i Yesus tontaní, sin kon dunia naa in diábí in intau ibanea in inogoian i Allah in kawasa moposaḷamat kon i naton.”

OUMAN IN RASUL MITA 5:31

Ki Yesusbí tua inta ain inogoian ḷoḻitúan bo kawasa moḷantud saḷaku Itoi bo Mopoposaḷamat, sinbá intau in Israel ogoian in wakutu mogogai in mogaid kon dosa, bá ampungan in mosia.

KORINTUS 2 5:19

Kami nopotaau kon ki Kristus in binaḻí bidon i Allah tonsigad sinbá intau in motaaudon mamangoi moyodame takin-Nea. Tua komintan inaidan i Allah sin diá bidon pinononggina-Nea mako in bayongan taḷá inta ain inaidan in intau kon i-Nia. Bo Siabí doman tua in nobogoi in oaidan kon inami mopoyaput in habar mita tatua.

TIMOTIUS 1 4:10

Manangka intua kita in musti moramuji mogaid, sin kita in tongábí moharap mako kon i Allah inta nobiag; Sia tuata inta mopoposaḷamat kon bayongan in intau, muna-munamai mosia inta mopirisaya.

YOHANES 1 2:2

Bo pinotonsigad kon i Yesus Kristus tuata, bayongan in dosa naton inampungan. Bo deemanbí doman tongá taḷá naton, táe taḷábí doman in bayongan intau.

YOHANES 1 4:14

Kami tontaní ain nokoontong kon i Adí i Allah, bo kami in nopohabar kon Sia in pinotabá mangoi i Amá sin mobaḻí Datu Mopoposaḷamat in dunia naa.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.