YOHANES 4:41 - Alkitab Singog In Mongondow Masa In Tanaa

⁴¹ Bo nodugangdon nobayong in intau nopirisaya kon i Yesus sin nokodongogdon tontaní kon totundú-Nea.

YOHANES 4:41 Iomraidhean Croise

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

LUKAS 4:32

Pototundú-Nea mokosanang totok kon gina monia, sin mokobangkaḷ totok onu in singogon-Nea.

YOHANES 4:40

Dá naonda in intau mita in Samaria mita tatua noyodungkuḷ i Yesus, mosia in nopoigum totok sinbá, mogutunpa in Sia takin monia. Dá ki Yesus in nogutunpa kon tua takin i monia doyowa nosinggai.

YOHANES 4:42

Mosia in noguman kon bobay tatua, “Mopirisayadon in kami in tanaa, deeman bidon tongá popisí in onu inta inoumanmu kon inami, táe kami in nokodongogdon tontaní kon tosingogon-Nea. Bo kinotaauandon nami kon Sia tua in totuubí Mopoposaḷamat in dunia.”

YOHANES 6:63

Rohobí i Allah in nobogoi in kobiagan kon intau. Ropot in intau naa diá baragunanea. Singog mita inta pinosingog-Ku kon i monimu naa in singogbí mita in Roho i Allah bo singogbí inta mobogoi in kobiagan.

YOHANES 7:46

Dá moḷoḷukad mita tatua in notubag, “Uḻe, diápa kon dodai onda in intau in mosingog ná pososingog-Nea tatua!”

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

OUMAN IN RASUL MITA 15:3

Dá inatod in jamaat mita kon Antiokhia in mosia nodapot kon ḷuai in kotá, onda intua minayá nongin Penisia bo Samaria in mosia. Kon tua mosia in nongonguman kon soaḷ kon naonda sahingga intau mita inta deeman Yahudi nobaḻí nopirisaya kon i Allah. Habar tatua in totok nokosanang kon gina in intau mita mopirisaya kon tua.

OUMAN IN RASUL MITA 8:12

Táe mosia in binayá i Pilipus pinopotaauan in Habar Mopia soaḷ naonda in ki Allah mamangoi momarenta saḷaku datu bo soaḷ ki Yesus Kristus, Datu Mopoposaḷamat tua. Dá bayongan in intau kon kotá tatua nodait nopirisaya kon onu in pinoyaput i Pilipus kon i monia. Bo mosia in binaptis mita pinomayá ḷoḷaki andeka bobay.

OUMAN IN RASUL MITA 8:25

Naonda in nopaḷutdon nobogoi in kosakusian bo nopotaau in pirman i Tuhan, ki Petrus bo ki Yohanes in nobuidon kon Yerusalem. Kon bonu in binayáan monia tatua, mosia in sindaḷan mopotaau in Habar Mopia kon bayongan ḻipú kon Samaria tua.

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.