YOHANES 4:10 - Alkitab Singog In Mongondow Masa In Tanaa

¹⁰ Ki Yesus in notubag, “Aka kuma bo kinotaauanmu in totabi i Allah bo kinotaauanmu in ki ine in noigum kon inumon kon inimu, yo nopasti bidon kon iko tontaní in moigumbí kon tubig inumon kon i-Nia tua. Bo ogoian-Neabí iko in tubig kobiagan tatua.”

YOHANES 4:10 Iomraidhean Croise

MAZMUR 10:17

Tuhan, Iko in nokidongog kon sambayang in intau nobogá bo moginropot kon gina monia.

MAZMUR 46:4

umpakabí dagat modoḻiok bo mobokoḷ moḷoben, bo tombuḷud mita mourot popisí in kodangatannea.

IḶUAIAN 17:6

Akuoi in simindog kon tayowonmu kon tudu in batu moḷoben tobatú kon Buḷud in Sinai. Porotdon in batu tatua, dá tubig in ḷumuai bo intau mita motaaudon monginum.” Inaidan i Musa in natua koonto-ontong in itoi mita Israel.

DONDONG MOḶANTUD 4:15

Bokaká kon gobáku nopoḷuai in tubig kobiagan inta moiḻig nongkon Libanon!

YESAYA 12:3

Naonda bo tubig motumping mokoguḻí kon rogang in intau, natuata in moiko in moposanang kon gina, popisí in pinosaḷamat i Allah.”

YESAYA 35:6

Intau ḻempeng ḷumanduk magí-mako naonda bo rusa, intau bobó morogiow moḷunganga. Sin bokaká moitoput nongkon padang gurun, ongkag moiḻig kon rawang kayuon.

YESAYA 42:6

“Akuoi, ki Tuhan, in mogoiní bo mopotabá kon inimu sin mopobayá in inta moadil iko in kapiton-Ku bo ḷukadan-Ku sin mobaḻí dodandian kon umat intau, bo sindar kon bayongan in bangusa.

YESAYA 43:20

Biag kaḻig in mohoromatbí kon i-Nakó; serigala bo ḷagapan unta in modayowbí kon i-Nakó sin Akuoi in nogiḻig kon tubig kon padang gurun, bo ongkag mita kon rawang kayuon sin mopoinum kon umat inta piniḻí-Ku.

YESAYA 44:3

Sin Akuoi in mopobutakbí in tubig kon butá inta noingkag, bo mopoiḻig in ongkag mita kon butá inta nongoguang. Akuoi in mobogoibí in kawasa-Ku kon buímu, bo momarakat kon adí bo ompumu.

YESAYA 49:10

Mosia in diábí morogang andeka gogoyon, bo diábí kotugatan in patú in mata in singgai kon padang gurun. Sin Akuoi, in motabi kon i monia, in modiabí kon i monia, bo modia kon i monia mayá in bokaká mita.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

YEREMIA 2:13

Umat-Ku ain nogaid kon doyowa norupa in dosa: mosia in nonoḻikud kon i-Nakó, bokaká in tubig mobogoi in kobiagan kon intau; mosia in nogaid kon tabang noḷombang inta diá mokosion kon tubignea.”

YEHEZKIEL 16:35

Ei Yerusalem, sundaḷ, indongogai onu in pinoguman i Tuhan Inta Totok in moḷantud, “Iko in noḷongkutdon kon ḷambungmu, bo saḷaku sundaḷ inogoimudon in awakmu kon inta kinoibogmu mita bo kon berhalamu mita inta mokorongó tua. Ki adímu mita iḻimodmu bo pinokurubanmu kon berhala mita tatua.

ZAKHARIA 13:1

Ki Tuhan Inta Totok in mokawasa in noguman, “Kon singgai tatua momukábí bokaká tobatú sin mopotusi kon buí i Daud bo intau inta nogutun kon Yerusalem nongkon bayongan in dosa bo posumbaan kon berhala inta ain inaidan monia.

ZAKHARIA 14:8

Kon singgai tatua, tubig modarit in moiḻig nongkon Yerusalem; tongobotak nongkon tubig tatua in moiḻig ná Laut Mati bo tongobotaknea doman in moiḻig ná Dagat Toyuak. Tubig tatua in moiḻig kinoouput in taong, pinomayá kon sempo in pongonguyan andeka sempo in poninggai.

LUKAS 11:13

Dá aka moiko inta moraat bo motaau mobogoi kon inta mopia kon i adímu mita, yo bambíkabí ki Amámu inta kon soroga! Sia in mobogoibí in Roho-Nea kon i monia inta umuran moigum kon i-Nia!”

YOHANES 16:3

Tua in aidan monia kon inimu sin diápa kinotaauan monia in ki Amá andeka Akuoi.

YOHANES 17:3

Nanaa in kobiagan mononoi tua; ibogon tua bayongan intau in monotaau kon i Amá inta tongábí Sia tua in ki Allah inta mobanar, bo monotaau doman kon i Yesus Kristus inta pinotabá i Amá.

YOHANES 3:16

Popisí in ná domai tua in tabi i Allah kon intau kon dunia naa, dá inogoi-Neadon in ki Adí-Nea tuḷong, sinbá bayongan in intau inta mopirisaya kon i-Nia diá in moyoyang, táe mokouḻí kon kobiagan mononoi.”

YOHANES 4:14

táe intau inta monginum kon tubig ogoi-Ku in diá bidon moyoga-yogang, sin tubig inta ogoi-Ku kon inia in mobaḻí bidon bokaká kon bonu in awaknea, bo umuran ḷumuai bo mobogoi in kobiagan mononoi.”

YOHANES 6:35

Dá kai Yesus doman, “Akuoibí naa in roti inta mobogoi in kobiagan, intau mita inta mamangoi kon i-Nakó in diá bidon angoian bui in gogoy. Bo intau inta mopirisaya kon i-Nakó in diá bidon moyoga-yogang bui.

YOHANES 6:51

Akuoibí in roti inta noponag nongkon soroga, roti inta mobogoi in kobiagan. Intau inta mokaan kon roti tanaa in umuranbí mobiag. Roti inta ogoi-Ku kon kobiagan intau kon dunia naa in awak-Kubí.”

OUMAN IN RASUL MITA 9:11

Dá ki Tuhan in noguman kon inia: “Pobuatdon tanaa mako. Bayádon kon baḷoi i Yudas bo pongin daḷan inta sinangoian Daḷan Motuḻid. Ḻibó kon tua intau inta ki Saulus in tangoinea. Sia tua intau in Tarsus. Koyogot mosambayang in sia intua,

SURAT I PAULUS KON JAMAAT RUM 8:32

Ki Adí-Nea tontaní in diá bidon irekeng-Neamai, táe pinosarakan-Neadon sin kopontingan naton komintan; yo diábí kumaan kon akaḷ aka kita diá ogoian in bayongan yagi-yagi?

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

KORINTUS 1 10:4

bo nonginum kon tubig inta ain doman sinantú kon inumon monia. Mosia komintan in nonginum kon tubig nongkon buḷud batu inta umuran kotaki-takin monia; buḷud batu tatua in ki Kristus.

KORINTUS 2 9:15

Posukurdon kon i Allah sin diá in poḻiu kon barakat inogoi-Nea.

EPESUS 2:8

Ki Allah in motabi kon i monimu, tuamai in pinosaḷamat-Nea in moiko sin nopirisayadon kon i Kristus in moiko. Moiko in nosaḷamat deemanbí lantaran ḷopí monimu tontaní. Tua in totabibí i Allah. Manangka intua diábí motaau in tobatúmai intau dumodia kon soaḷ tatua.

IBRANI 6:4

Sin mosia inta nokoimontandon in sinimbayagan in ginanea, inta nokoimontan in nokorasa kon totabi i Allah bo nokoimontan domandon in nokouḻí kon silai kon bonu in Roho Mokudus,

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.

WAHYU 21:6

Bo Sia in noguman, “Komintandon nobaḻí! Akuoi naa in ki Alpa bo ki Omega, ki Inta muna-munamai bo ki Inta tumi-tumimai, Akuoibí naa in ki Tuhan nongkon pinomangkoian nodapot in pangabisan. Intau inta moyogang in poinumon-Ku, bo tongábí ogoi pomorosen nongkon bokaká inta mobogoi in kobiagan.

WAHYU 22:17

Roho i Allah bo Nonikaan Bobay in noguman, “Koḻigai!” Ki ine in nokodongog kon naa musti moguman doman, “Koḻigaidon!” Ki ine in moyogang, pogamádon in sia kon tubig inta mobogoi in kobiagan tatua, bo diábí uboḻian.

WAHYU 7:17

Sin ki Adí in Domba inta iḻimitú kon tampat pomomarentaan tatua in mobaḻí gombala monia, bo diaan-Nea in mosia mayá kon bokaká in tubig inta mokobiag. Bo inggamáandon i Allah in bayongan ḷuá kon mata monia.”