YOHANES 4:1 - Alkitab Singog In Mongondow Masa In Tanaa

¹ Dinongogdon in intau mita in Parisi kon ki Yesus ain nokouḻí poḷat nobaptis kon intau mobayo-bayongdon kon dumodudui i Yohanes. (

YOHANES 4:1 Iomraidhean Croise

LUKAS 1:76

Bo iko, adí-Ku in tangoion nabi i Allah Inta Totok in moḷantud. Iko in pinotabá umuna kon i Tuhan sin moposadia in daḷan bayáan-Nea.

LUKAS 19:31

Aka oyúon in moḻibó kon inimu nanaa, ‘Nongonu sin bukaanbí monimu in keledai tatua?’ Dá tubagai nanaa, ‘Ki Tuhan moparaḷu.’ ”

LUKAS 19:34

Dá mosia notubag doman nanaa, “Ki Tuhan moparaḷu.”

LUKAS 2:11

Singgai in naa kon ḻipú i Daud, noilahirdon in Datu inta mopoposaḷamat kon i monimu, tuata in ki Kristus, ki Tuhan naton.

LUKAS 7:13

Naonda in ki Yesus nokoontong kon boba-bobay tatua noḻiai in ginanea sin tabi-Nea. Dá Sia in noguman nanaa, “Donaaidon mongombaḷ!”

LUKAS 7:19

bodongka pinotabánea mayá moḻibó kon i Yesus, “Ki Tuangdon degá inta pinodandi mamangoi tua, andeka mogoḷatpa in kami kon intau ibanea?”

YOHANES 3:22

Nopaḷut mako kon tua ki Yesus bo murí-Nea mita minayá in Yudea. Bo ki Yesus in nogutunpa kon tua noyotakin monia tongonumai nosinggai bo nobaptis.

YOHANES 3:26

Mosia minayá kon i Yohanes bo noguman, “Pak guru, kinotoropanpa degá i Pak guru in intau inta noyotakin i Pak guru kon ḷoḷanmai in Ongkag in Yordan tua, inta sinundú i Pak guru wakutu intua? Sia nobaptis doman in tanaa mako bo komintan intau mayá kon i-Nia!”

OUMAN IN RASUL MITA 10:36

Pirman inta pinoki poyaput-Nea kon intau mita Israel, tuata in Habar Mopia inta nopotaau in dodamean inta inaidan i Yesus Kristus, Tuhan in bayongan intau.

KORINTUS 1 1:17

Akuoi in pinotabá mangoi i Kristus deemanbí mamangoi mobaptis, táe mamangoibí mopotaau in Habar Mopia. Bo deemanbí doman kapandoianku tontaní in pinakéku sinbá oyúon mangaḻe in kawasa nongkon kinopatoian i Kristus nongkon kayu pinoyotaḻempang.

KORINTUS 1 15:47

Ki Adam inta muna pinomia nongkon ḷobud in butá, táe ki Adam inta induanea in nongkon sorogabí.

KORINTUS 1 2:8

Diábí tobatúmai in pongawasa in dunia naa in nokotaau kon soaḷ kabijaksanaan tatua. Sin aka kinotaauandon monia, yo tantú diábí pinopopakú monia kon kayu pinoyotaḻempang in ki Tuhan inta momulia tua.

KORINTUS 2 4:5

Sin habar inta pinoyaput nami tua in deemanbí habar soaḷ oaidan nami tontaní. Táe habarbí soaḷ ki Yesus Kristus inta Tuhan; bo kami naa in tongábí simpaḷmu mita popisí in ibog i Tuhan.

YAKOBUS 2:1

Utatku mita! Saḷaku intau inta mopirisaya kon i Tuhan Yesus Kristus, Tuhan naton inta Totok in Momulia, dá donaaibí in moiko mopoyo-poyoposi kon intau podudui in kaadaan kobobiag monia.

WAHYU 19:16

Jubah bo paa-Nea in pinaisan tangoi nanaa, “Datu in bayongan datu, bo Tuang in bayongan tuang.”