YOHANES 3:12 - Alkitab Singog In Mongondow Masa In Tanaa

¹² Moiko in diá mopirisaya aka Akuoi mongonguman kon inimu in soaḷ mita nongkon dunia, dá naondabí in moiko mopirisaya aka Akuoi in mongonguman kon i monimu kon soaḷ mita inta nongkon soroga?

YOHANES 3:12 Iomraidhean Croise

YOHANES 3:11

Pirisayadon: Kami in mosingog kon onu inta kinotaauan nami, bo tongábí doman onu inta ain inontong nami tua in potaau nami; táe moiko in doí motarima kon onu in pinotaau nami.

YOHANES 3:3

Tubag i Yesus, “Totuu, kon diábí in tobatúmai in intau motaau in mobaḻí umat i Allah, aka sia in diá polahiron bui.”

YOHANES 3:5

Ki Yesus in notubag, “Totuubí in singog-Ku tanaa: aka intau bo diá polahiron nongkon tubig bo nongkon Roho i Allah, yo intau tatua in diábí motaau in mobaḻí umat i Allah.

YOHANES 3:8

Tompot mogirup kon onda in koibognea; kodongogan naton in singognea, táe diábí kotaauan naton mongo nongkon onda in kinoangoiannea bo kon onda in bayáannea. Natua doman in intau inta pinolahir nongkon Roho i Allah.”

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

IBRANI 5:11

Nobayongpabí in musti popotaau nami kon i monimu in soaḷ kadudukan i Yesus saḷaku Imang Moḷoben, táe moyoyiga totok in moginsilang kon tua sin moḷaḷoi totok in pororai monimu.

YOHANES 1 4:10

Naabí in tabi tua: Deemanbí kita in notabi kon i Allah, táe ki Allahbí in notabi kon i naton bo nopotabá kon i Adí-Nea sin motobut kon bayongan in dosa naton.