YOHANES 3:10 - Alkitab Singog In Mongondow Masa In Tanaa

¹⁰ Tubag i Yesus, “Iko nion guru kon Israel, umpaka yo diá kotaauanmu in soaḷ tatua?

YOHANES 3:10 Iomraidhean Croise

TAWARIKH 1 29:19

Ogoiaidon in ki Salomo, ki adíku ḷoḷaki in ibog inta totu-totuu dumudui kon bayongan in parenta-Mu bo moposindog in baḷoi pooibadaan tatua inta ain pinosadiaku.”

MAZMUR 51:10

Biódon mako in akuoi mokodongog kon habar mokopia kon gina, sinbá gina inta binutuk-Mu naa in buidon monggiow.

MAZMUR 51:6

Tongábí kon ini-Mu, tongábí kon ini-Mu binaradosa in akuoi, bo pinomiaku in onu inta inanggap-Mu moraat. Dá patusbí hukumon-Mu in akuoi, moadilbí in pononantú-Mu.

MAZMUR 73:1

Mazmur i Asap. Totuubí mopia in ki Allah kon umat-Nea, kon intau inta motuḻid in ginanea.

YESAYA 56:10

Guman i Tuhan, “Itoi mita in bangusa-Ku in intau mita bilog! Mosia in diábí nonotaau in onu bo onu. Mosia in naonda bo ungkú bobó inta diá mogaú, táe tongábí mosiug mako bo tumogoindop. Mosanang totok in mosia in mosiug!

YESAYA 9:16

Bangusa tatua ain nonaḷámai kon Tuhan bo moromúdon bo bayongan in tosingogon monia moraat. Tuamai in kon sigad in tayow mobiag mita diá tobatúmai in sinaḻiban i Tuhan. Sia in diábí notabi kon boba-bobay mita bo uno-unon. Táe ki Tuhan in sinumorúpabí bo umuran mohukum.

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

YEHEZKIEL 11:19

Mosia in ogoian-Kudon in gina mobagu bo dimukud mobagu. Gina monia inta ná kotogat in batu in gamáan-Ku bo toḻiuan-Ku in gina inta motoindudui kon i-Nakó.

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

MATIUS 15:14

Pomayádon mako intau mita natua. Sin mosia tua in intau bilog inta motundú kon daḷan kon intau doman bilog. Sin aka intau bilog bo mokapit kon intau doman bilog, yo tumpaḷabí in taya dua moḷabú kon bubú.”

MATIUS 22:29

Ki Yesus in noguman kon i monia nanaa: “Moiko nion noitaḷá in pororai monimu, sin diá kinomangaḻean monimu in bonu in Buk Motusi, bo kawasa i Allah.

LUKAS 2:46

Naonda in toḷudon nosinggai in pinotayakan monia, indoianmai monia yo kon bonubí in Baḷoi Tuhan in Sia. Sia ḻimitú mako kon yua-yuak in mototundú mita kon agama bo mokidongog mako kon potundúan monia bo poḷat doman in Sia mopoḻibó-ḻibó kon i monia.

LUKAS 5:17

Kon singgai tobatú, wakutu in ki Yesus koyogot motundúmai, oyúon in tongonumai in intau in Parisi bo mototundú kon agama iḻimitú kon tua mokidongog kon onu in poguman-Nea. Mosia tua in namangoi nongkon Yerusalem bo nongkon kotá mita kon Galilea bo Yudea. Kawasa i Tuhan umuran kotaki-takin-Nea sahingga in Sia mokopia kon intau mita inta notakit.

YOHANES 3:9

Ki Nikodemus in noḻibó bui, “Dá naondabí in kobobaḻí intua?”

OUMAN IN RASUL MITA 5:34

Táe tobatú intau in Parisi inta nobaḻí anggota in pongadilan agama tatua inta ki Gamaliel in tangoinea, tobatú mototundú kon agama inta totok in kinoinsim in bayongan intau kon tua in sinimindog bo nopoigum sinbá poḷuaipa motoyong in rasul mita tatua.

SURAT I PAULUS KON JAMAAT RUM 2:28

Sin aka totu-totuu intau in Yahudi; yo deemanbí tongá tangoinea intau in Yahudi, ná doman tua intau inta ain totu-totuu sinunat deemanbí tongá kai intau sinunatdon in sia.

ULANGAN 10:16

Dá pinangkoi kon tanaa mako moiko in musti motoindudui kon i Tuhan bo dikadon bui mokopotontogat kon gina.

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

PILIPI 3:3

Bokaka kitabí naa in intau mita inta notarima kon sunat nongkon i Allah. Kitabí naa in intau inta ain dinia i Allah sin mosumba kon i-Nia, bo umuran mosukur mako in kita sin notobatúdon i Kristus Yesus. Diá bidon in kita moitogot mako kon upacara inta sipatnea in tongábí samantara.

KOLOSE 2:11

Lantaran notobatú takin i Kristus, dá moiko ain sinunat, táe deemanbí sunat inta inaidan in intau, táe sunatbí inta inaidan i Kristus, inta nopobebas kon i monimu nongkon kawasa in tabiat inta binaradosa.