YOHANES 21:9 - Alkitab Singog In Mongondow Masa In Tanaa

⁹ Naonda in mosia noponagdon kon toba, inontongdon monia baga in tuḷu kon tua bo oyúon doman in toyá bo roti kon tudunea.

YOHANES 21:9 Iomraidhean Croise

MATIUS 4:11

Ibilis nonaḷámai kon i-Nia, bo malaekat mita in namangoi nosumba kon i Yesus.

MARKUS 8:3

Aka pokipobuian-Kudon in mosia takin diá in bonu in sian, yo mopusingbí in mosia kon daḷan. Bokaka oyúon doman in sigad monia tua in namangoi nongkon noyayú.”

YOHANES 18:18

Motumpingdon totok dodai intua, dá bobantung mita bo moḷoḷukad mita in nomiagdon kon tuḷu nongkon baga bo nonayang mosia. Ki Petrus in minayá intua bo sinimindog nonayang noyotakin monia.

YOHANES 21:10

Ki Yesus in noguman kon i monia, “Podiaka mangoi kon tongonumai nobungá in toyá inta bagu dinomok monimu nion.”

YOHANES 21:13

Onda intua ki Yesus in dinimiug kon i monia bo nogamá kon roti bo nobogoi kon i monia. Ná doman tua, Sia in nobogoi doman in toyá.

YOHANES 21:8

Murí mita ibanea in dinumudui kon inia nopobayá in toba takin uangga bo kougu-ugut doman in landará inta nopuḻing in toyá, sin diábí noyayú in mosia nongkon toba, degá tongá mogatutmai nometer.

YOHANES 6:11

Onda intua ki Yesus nogamá kon roti bo nopoyaput in sukur kon i Allah. Nopaḷut mako kon tua sinila-silai-Nea mako in roti tatua kon intau moantó tatua. Noiduduimai kon tua sinila-silai-Nea domandon in toyá tatua, bo mosia in komintan nongaan kinooibogbí monia.

YOHANES 6:9

“Kon naa oyúon in adí ḷoḷaki inta nodia kon roti ḻima nobatú bo toyá doyowa nobungá. Táe diábí pongonu aka kon intau moantó tanion?”