YOHANES 21:7 - Alkitab Singog In Mongondow Masa In Tanaa

⁷ Dá murí inta totok in kinotabi i Yesus in noguman kon i Petrus, “Ki Tuhan intua!” Naonda in kinotaauan i Petrus kon ki Tuhan intua, nogiḷambungdon in sia (sin diá nogiḷambung in sia) bo iḷumabú in sia kon tubig.

YOHANES 21:7 Iomraidhean Croise

MAZMUR 118:23

Tuata in aid i Tuhan, totuu mokoherang kon inaton.

DONDONG MOḶANTUD 8:7

Tubig mobarong in diábí mokoinggamá kon tanob, bo ḷunud in diábí mokoiḻig kon inia. Aka intau tobatú mobogoi in bayongan kapunyaannea sin motaḷui kon tanob, yo notantú bidon kon tongábí singkuḻe in mouḻínea.

MARKUS 11:3

Bo aka oyúon intau in moḻibó mongo nongonu sin bukaanbí monimu in keledai tatua? dá poguman, ‘Ki Tuhan moparaḷu, bo ḷagion-Neabí pobuion.’ ”

LUKAS 12:35

“Umuran koḷuka-ḷukad in tumayow kon yagi-yagi. Musti umuran koabi-abit bo togámu in tatap poyongkiton,

LUKAS 2:11

Singgai in naa kon ḻipú i Daud, noilahirdon in Datu inta mopoposaḷamat kon i monimu, tuata in ki Kristus, ki Tuhan naton.

LUKAS 7:47

Poguman-Kudon kon inimu, tabinea inta moḷoben tatua noponiata kon taḷánea inta noantó aindon inampungan! Intau inta tongá inampungan topiḻik in taḷánea, tabinea in tongá doman topiḻik.”

YOHANES 13:23

Murí inta totok kinotabi Yesus iḻimitú kon diugmai i Yesus

YOHANES 19:26

Naonda in ki Yesus nokoontong kon i iná-Nea bo murí inta kinotabi-Nea sinimindog mako kon tua, Sia in noguman kon i iná-Nea, “Iná, tua in ki adí i Iná.”

YOHANES 20:2

Dá noribatuk in sia bo minayá notayak kon i Simon Petrus bo kon murí inta kinotabi totok i Yesus, bo noguman, “Ki Tuhan in ginamádon in intau nongkon poḷoḷobongan. Diá kinotaauanku mongo sinagú monia kon onda.”

YOHANES 20:20

Nosingog mako kon natua, pinoontong-Nea in ḻima bo sian-Nea kon i monia. Nopia totok in gina monia naonda in nokoontong kon i Tuhan.

YOHANES 20:28

Ki Tomas in noguman kon i Yesus, “Tuhanku bo Allahku!”

YOHANES 21:20

Wakutu in ki Petrus nobobui, sia in nokoontong kon tumineamai in murí inta totok in kinotabi i Yesus. (Sia tua inta iḻimitú kon diug i Yesus kon wakutu in nongaan bo sia doman inta noḻibó kon i Yesus, “Ki ine in moposarakan kon i-Nia?”)

YOHANES 21:24

Murí tatuata inta nobogoi in kosakusian kon soaḷ mita inta ain nobaḻí tanaa. Sia domandon tatua inta ain nomais kon naa. Bo kinotaauanbí naton kon onu in pinogumannea tatua in totuubí.

YOHANES 21:8

Murí mita ibanea in dinumudui kon inia nopobayá in toba takin uangga bo kougu-ugut doman in landará inta nopuḻing in toyá, sin diábí noyayú in mosia nongkon toba, degá tongá mogatutmai nometer.

OUMAN IN RASUL MITA 10:36

Pirman inta pinoki poyaput-Nea kon intau mita Israel, tuata in Habar Mopia inta nopotaau in dodamean inta inaidan i Yesus Kristus, Tuhan in bayongan intau.

OUMAN IN RASUL MITA 2:36

Manangka intua bayongan in intau Israel in musti monotaau totok kon ki Yesus inta ain pinopopakú monimu kon kayu pinoyotaḻempang binaḻí bidon i Allah Tuhan bo Datu Mopoposaḷamat!”

KORINTUS 1 15:47

Ki Adam inta muna pinomia nongkon ḷobud in butá, táe ki Adam inta induanea in nongkon sorogabí.

KORINTUS 2 5:14

Tabibí i Kristus in nongawasa kon i nami, bo kinomangaḻean bidon nami kon aka tobatú intau inta ain minatoi sin motobut kon taḷá in bayongan intau, yo tua in mangaḻenea komintan intau ain bidon minatoi.

YAKOBUS 2:1

Utatku mita! Saḷaku intau inta mopirisaya kon i Tuhan Yesus Kristus, Tuhan naton inta Totok in Momulia, dá donaaibí in moiko mopoyo-poyoposi kon intau podudui in kaadaan kobobiag monia.