YOHANES 21:10 - Alkitab Singog In Mongondow Masa In Tanaa

¹⁰ Ki Yesus in noguman kon i monia, “Podiaka mangoi kon tongonumai nobungá in toyá inta bagu dinomok monimu nion.”

YOHANES 21:10 Iomraidhean Croise

LUKAS 24:41

Bo kon dodai in mosia diápa basí mopirisaya, popisí in noiḻiudon pia in gina bo noherang, ki Yesus in noḻibó kon i monia, “Oyúon degá in kaanon kon i monimu naa?”

YOHANES 21:11

Ki Simon Petrus in sinumakoi kon uangga bo nogugut kon landará bo pinobayá in toba. Landará tatua in nopuḻing in toyá mongoḷoben, mogatut bo ḻima nopuḷú botoḷú in kobayongnea. Táe umpaka natua in kobayong toyá, yo diábí nobisik in landará.

YOHANES 21:13

Onda intua ki Yesus in dinimiug kon i monia bo nogamá kon roti bo nobogoi kon i monia. Ná doman tua, Sia in nobogoi doman in toyá.

YOHANES 21:9

Naonda in mosia noponagdon kon toba, inontongdon monia baga in tuḷu kon tua bo oyúon doman in toyá bo roti kon tudunea.

YOHANES 6:11

Onda intua ki Yesus nogamá kon roti bo nopoyaput in sukur kon i Allah. Nopaḷut mako kon tua sinila-silai-Nea mako in roti tatua kon intau moantó tatua. Noiduduimai kon tua sinila-silai-Nea domandon in toyá tatua, bo mosia in komintan nongaan kinooibogbí monia.

YOHANES 6:9

“Kon naa oyúon in adí ḷoḷaki inta nodia kon roti ḻima nobatú bo toyá doyowa nobungá. Táe diábí pongonu aka kon intau moantó tanion?”