YOHANES 19:7 - Alkitab Singog In Mongondow Masa In Tanaa

⁷ Intau mita in Yahudi tatua in noguman, “Podudui in hukum nami, Sia in musti hukumon matoi sin Sia in nongaku ki Adí i Allah.”

YOHANES 19:7 Iomraidhean Croise

YESAYA 53:4

Bokaka takitbí naton in inta binabanea, rorigabí naton in pinotaannea, bokaka kai naton in roriganea tatua in hukumanbí i Allah kon inia.

IMAMAT 24:16

bo hukumon matoi. Ki ineka in mogodi-godimai kon i Tuhan musti ara bo in batu in bayongan jamaat dapot in matoi. Hukum tatua pouma kon intau Israel ande kon intau ango-angoi inta ain nogutun notantú kon Israel.

MARKUS 15:39

Tobatú porwira inta sinimindog mako kon tayowon kayu pinoyotaḻempang tatua, nokoontong kon naonda in ki Yesus minatoi. Bo noguman in sia, “Totuubí kon ki Adíbí i Allah in Sia naa!”

YOHANES 19:8

Naonda in ki Pilatus nokodongog kon singog monia natua, nodugangdon bui in ondoknea.

YOHANES 5:18

Singog-Nea mita tatua in nokodugangdon kon ibog monia moḷongasi moḻimod kon i-Nia. Mosia in nonomayá kon tua deemandon tongá popisí in Sia noḷawang kon atorang agama soaḷ singgai in Sabat; táe popisíbí doman in Sia noguman kon ki Allah tua in ki Amá-Nea; mangaḻenea kon tua Sia in mokipotongkaidon kon i Allah.

OUMAN IN RASUL MITA 18:13

Mosia in nopongadu nanaa, “Intau tanaa monongganut totok kon intau moantó sinbá mosumba kon i Allah táe diábí notongkai in hukum i Musa!”

SURAT I PAULUS KON JAMAAT RUM 1:4

Táe podudui kon i Allah yo noniata magí Sia in ki Adíbí i Allah. Tua komintan noniata kon kawasa inta totok in moḷoben inta nokobiag kon i-Nia nongkon kinopatoian-Nea.

ULANGAN 18:20

Táe aka nabi tobatú mobarani mopotaau in koyow podoyon kon tangoi-Ku bokaka Akuoi in diábí nopotabá kon inia mogaid kon tua, yo sia tua in mustibí matoi; natua doman in bayongan nabi inta mosingog podoyon kon tangoi in ilah mita ibanea mustibí matoi.’