YOHANES 18:4 - Alkitab Singog In Mongondow Masa In Tanaa

⁴ Kinotaauanbí i Yesus in bayongan inta mobaḻí kon i-Nia. Dá Sia in dinimiug kon intau mita tatua bo noḻibó, “Motayak kon i ine in moiko?”

YOHANES 18:4 Iomraidhean Croise

DATU MITA IMITÁNEA 18:10

Pinodoyon kon i Tuhan inta nobiag, ki Allah inta sinumba i Amá, akuoi in moponiata kon ki datu in nopotabádon kon inakó motayak kon i amá kon bayongan in tampat. Aka kon butá tobatú pongawasanea in moguman kon ki Amá in diá in kon tua, ki Ahab in monuntut sinbá pongawasa in butá tatua mongibot kon ki Amá in totuubí kon diá noyodungkuḷ kon tua.

NEHEMIA 6:11

Táe akuoi in notubag, “Akuoi naa in deemanbí intau inta moibog moḷagui. Saḷaku intau biasa diábí motaau in akuoi tumuot kon Baḷoi Tuhan, sin matoi in akuoi. Diá, doíbí in akuoi!”

MAZMUR 27:3

Umpakabí akuoi kopungon in tontara inta mobarong, yo diábí in akuoi moondok. Umpakabí mobaḻí in parang monayow kon inakó, akuoi in umuranbí mongamang.

MAZMUR 3:6

Akuoi in inumuḻid bo nosiug takin pia-pia, bo nobangon bui, sin ki Tuhan in notuḷung kon inakó.

AMSAL 28:1

Intau moraat moḷagui umpaka diá in mogaḷow kon inia, táe intau motuḻid in gina, mobarani ná singa.

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

MATIUS 26:2

“Kinotaauan monimu kon doyowapa nosinggai porayaan kon singgai moḷoben Paska, dá kon wakutudon tua Adí Intau posarakan sin popopakú kon kayu pinoyotaḻempang!”

MATIUS 26:21

Bo naonda in mosia koyogot nongaan, Sia in noguman nanaa, “Akuoi in mogumandon muna kon i monimu: kon sigad monimu naa oyúon in tobatú murí in moposarakan kon i-Nakó.”

MATIUS 26:31

Kon tua ki Yesus in noguman kon i monia, “Doḷom naa moḻiai in pirisaya monimu komintan kon i-Nakó; sin aindon pinais: Ki Allah noguman, ‘Akuoi in moḻimod kon gombala, bo domba mita tatua in moḷagui posibayá.’

LUKAS 24:44

Onda intua Sia in noguman kon i monia, “Naadon in soaḷ mita inta ain pinoguman-Ku kon i monimu kon wakutu in kotaki-takinpa monimu in Akuoi: kon bayongan inta ain pinais soaḷ Akuoi kon bonu in buk i Musa bo buk in nabi mita, bo buk Mazmur, tua in mustibí mobaḻí.”

YOHANES 13:1

Tosinggaipa in Singgai Moḷoben Paska, koyongandon kinotaauan i Yesus kon wakutuneadon Sia in monaḷámai kon dunia naa sin mobuidon kon i Amá-Nea. Sia motabi kon intau mita inta nobaḻí kapunyaan-Nea kon dunia naa, bo tantú-Neabí doman kotabi umaai in kopaḷutan dunia naa.

YOHANES 13:11

Kinotaauan bidon i Yesus in intau inta moposarakan kon i-Nia, tuamai Sia in noguman, “Moiko nion in nodarit bidon, táe diápa komintan.”)

YOHANES 18:5

Mosia in noguman, “Ki Yesus Intau in Nazaret.” Tubag i Yesus, “Akuoibí naa inta sinayak monimu.” Ki Yudas inta nomaḻidawan in sinimindog doman noyotakin monia.

YOHANES 18:7

Bo ki Yesus in bui noḻibó, “Ki ine in tayakon monimu?” Dá kai monia doman, “Ki Yesus Intau in Nazaret.”

YOHANES 19:28

Kinotaauan bidon i Yesus kon tanaa bayongan yagi-yagi ain noḷapat, bo bá onu inta ain pinais kon bonu in Buk Motusi in mobaḻídon, dá Sia in noguman, “Akuoi in moyogang.”

YOHANES 6:64

Tongá oyúon doman kon sigad monimu in diá mopirisaya.” (Kinotaauan bidon muna i Yesus in intau mita inta doí mopirisaya, bo ki ine mobaḷui in pirisaya kon i-Nia.)

OUMAN IN RASUL MITA 2:28

Iko in ain nopotaau in daḷan mopobayá in kobiagan mononoi kon inakó. Moḷunganga totok in ginaku sin Iko in umuran kotaki-takinku.’

PETRUS 1 4:1

Lantaran ki Kristus ain nokorasa kon roriga in awak naa, dá tua in musti umuran kon gina mako bá umuran moropot in pirisaya monimu. Sin ki ine inta nokorasadon kon roriga in awak, yo diá bidon in sia mogaid kon dosa.